Það verður sko enginn lognmolla í frjálsíþróttunum þennan desembermánuðinn. Það er fjöldi frjálsíþróttamóta á dagskrá, félagslegir viðburðir, EM í víðavangshlaupi og vinsælt og skemmtilegt götuhlaup.
Á dag, þriðjudaginn 3. desember, verður formannafundur FRÍ. Hann verður á Zoom og byrjar kl. 19:30. Sjá nánar hér.
Á fimmtudaginn, 5. desember, verður uppskeruhátíð FRÍ haldin í Laugardalshöllinni kl. 18:00. Sjá nánar hér.
Sunnudaginn 8. desember nk. keppir Baldvin Magnússon (UFA) á Evrópumeistaramótinu í víðavangshlaupi í Antalya í Tyrklandi og etur þar kappi við nokkra af bestu víðavangshlaupurum álfunnar. Sjá nánar hér. Minnum á beint streymi frá hlaupinu, sjá hér.
Svo er hellingur af mótum næstu vikurnar.
- Mánudaginn 9. desember fer Jólamót Selfoss fram í Lindexhöllinni á Selfossi klukkan 16:00-18:00. Sjá nánar hér.
- Þriðjudaginn 10. desember er FH mót í Kaplakrika klukkan 17:00-19:00. Sjá nánar hér.
- Laugardaginn 14. desember fer stökkmót öldunga nr. 3 fram í Lindexhöllinni á Selfossi, klukkan 10:30-14:00. Sjá nánar hér.
- Helgina 14.-15. desember fer Aðventumót Ármanns fram í Laugardalshöllinni. Sjá nánar hér.
- Mánudaginn 16. desember fer fram annað FH mót í Kaplakrika klukkan 17:00-19:00. Sjá nánar hér.
- Mánudaginn 30. desember fer Áramót Fjölnis fram í Laugardalshöllinni kl. 17:00-20:00. Sjá nánar hér.
Svo er það hið rótgróna Gamlárshlaup ÍR sem fram fer á gamlársdag, 31. desember nk. Það getur verið skemmtilegt og hressandi að enda árið með stæl og hlaupa 10 km í góðum félagsskap. Sjá nánar um hlaupið hér.
Vonandi geta flestir frjálsíþróttaiðkendur-og unnendur fundið sér eitthvað frjálsíþróttatengt þennan desembermánuð.