Það er góður hópur íslenskra frjálsíþróttakeppenda sem er á leiðinni til Portúgal að taka þátt í Evrópumeistaramótinu í eldri aldursflokkum sem fram fer í Madeira dagana 8.-19. október. Það eru 10 Íslendingar skráðir til leiks á EM í mastersflokkum í ár.

Ekki hefur verið birtur vikupistill undanfarnar vikur en það þýðir alls ekki að ekkert hafi verið um að vera í frjálsíþróttunum, eiginlega bara þvert á móti. Stiklum á stóru yfir atburði síðustu vikna.

Það er alltaf gaman þegar íslenskir frjálsíþróttaiðkendur láta að sér kveða erlendis. Systkinin Eyja Rún (16 ára) og Ari Freyr (13 ára) Gautabörn búa í Svíþjóð þar sem þau æfa og keppa í frjálsíþróttum af kappi og með frábærum árangri. Við áttum skemmtilegt spjall við þau og föður þeirra Gauta Jóhannesson, sem sjálfur átti farsælan feril í frjálsíþróttum, um daginn og spjölluðum um æfingar, lífið í Svíþjóð og framtíðarplön þeirra.