Elísabet Rut NCAA-meistari með 73,19 m
Elísabet Rut Rúnarsdóttir varð NCAA-meistari í sleggjukasti á NCAA Outdoor Championships í Eugene í Bandaríkjunum. Elísabet kastaði 73,19 m, bætti sinn besta árangur og tryggði sér sigurinn í gríðarlega sterkri keppni.
Á sama móti náði Arndís Diljá Óskarsdóttir 8. sæti í spjótkasti með 54,75 m, sem er ársbesti árangur hennar. Júlía Kristín Jóhannesdóttir keppti í undanúrslitum í 100 m grindahlaupi og hljóp á 13,33 sek.
Sterkur íslenskur hópur í fjölþraut
Á Norðurlandameistaramótinu í fjölþrautum í Jessheim í Noregi keppti góður hópur íslenskra keppenda í fjölþraut.
Í kvennaflokki urðu þrjár íslenskar konur í 8.–10. sæti. María Helga Högnadóttir endaði með 4829 stig, Hekla Magnúsdóttir með 4798 stig og Brynja Rós Brynjarsdóttir með 4595 stig. Hekla bætti sig í 100 m grindahlaupi, þar sem hún hljóp á 14,63 sek, og kastaði 12,81 m í kúluvarpi. Brynja Rós bætti sig einnig í grindahlaupi með 14,92 sek.
María Rún Gunnlaugsdóttir lauk ekki keppni en náði sterkum greinum áður en hún hætti, þar á meðal 14,28 sek í 100 m grindahlaupi og 25,87 sek í 200 m.
Í U20 flokki hóf Ísold Sævarsdóttir keppni en lauk henni ekki. Hún hljóp 100 m grindahlaup á 15,12 sek þar sem hún hrasaði yfir grindina, stökk 1,63 m í hástökki og kastaði 11,72 m í kúluvarpi.
Í U18 flokki bætti Helga Fjóla Erlendsdóttir sinn árangur í sjöþraut og endaði með 4191 stig. Hún bætti sig meðal annars í 100 m grindahlaupi, þar sem hún hljóp á 15,73 sek, og í 800 m hlaupi með 2:44,14.
Garðar Atli með EM U18-lágmarki á Sumarleikum HSÞ
Á Sumarleikum HSÞ á Laugum kastaði Garðar Atli Gestsson 65,26 m í spjótkasti U18 karla með 700 g spjóti. Árangurinn er persónuleg bæting og fer yfir EM U18-lágmarkið. Garðar bætti sig einnig í kúluvarpi með 14,46 m og kastaði 41,76 m í kringlukasti.
Kjartan Óli Bjarnason hljóp 200 m á 22,02 sek og 400 m á 49,04 sek. Úlfar Jökull Eyjólfsson bætti sig í stangarstökki og stökk 4,60 m. Tobías Þórarinn Matharel átti einnig gott mót, stökk 6,75 m í langstökki, bætti sig í þrístökki með 12,84 m og hljóp 110 m grindahlaup á 15,18 sek.
Vormót ÍR
Á Vormóti ÍR í Reykjavík komu einnig mörg góð úrslit. Þorleifur Einar Leifsson stökk 6,75 m í langstökki, Ívar Kristinn Jasonarson hljóp 400 m á 49,39 sek, Tómas Orri Gíslason bætti sig í 400 m með 49,81 sek og Pétur Óli Ágústsson bætti sig í 400 m grindahlaupi með 56,69 sek. Í kvennaflokki hljóp Christina Alba Marcus Hafliðadóttir 100 m á 12,28 sek og Eyrún Svala Gustavsdóttir bætti sig í 400 m með 58,74 sek.
Aðstæður voru ekki þær bestu en vindur og kuldi settu strik í reikninginn.
Sterk köst erlendis
Guðrún Karítas Hallgrímsdóttir keppti tvisvar í sleggjukasti á erlendum mótum. Hún kastaði 72,44 m á Paavo Nurmi Games í Turku og 70,89 m í Kladno í Tékklandi.
Sindri Hrafn Guðmundsson varð annar í spjótkasti á USATF Lone Star Grand Prix í College Station með 78,31 m. Guðni Valur Guðnason sigraði í kringlukasti í Södertälje með 59,49 m og Hera Christensen kastaði 52,89 m í kringlukasti á Ítalíu.
Sterk frammistaða í utanvegahlaupum
Íslenska landsliðið í utanvegahlaupum keppti á Evrópumeistaramótinu í Kamnik í Slóveníu. Elísa Kristinsdóttir náði frábærum árangri og varð í 9. sæti í kvennaflokki á tímanum 4:51:43. Andrea Kolbeinsdóttir varð 33., Anna Berglind Pálmadóttir 53. og Íris Anna Skúladóttir 56.
Í karlaflokki kom Þorbergur Ingi Jónsson fyrstur Íslendinga í mark í 51. sæti á 4:35:02. Þorsteinn Jóhannsson varð 53., Sigurjón Ernir Sturluson 63. og Stefán Pálsson 75.
Fyrri úthlutun úr Afrekssjóði FRÍ 2026
Stjórn FRÍ hefur samþykkt fyrri úthlutun ársins úr Afrekssjóði FRÍ. Markmið sjóðsins er að styðja við afreksfólk og afreksefni í frjálsíþróttum og skapa þeim betri fjárhagslega og faglega umgjörð til undirbúnings, æfinga og keppni á alþjóðlegum vettvangi.
Við úthlutun er horft til afreksstöðu, stórmótaviðmiða, árangurs á alþjóðlegum listum, stöðu gagnvart stórmótum, fyrri árangurs, stórmótasögu og skilgreindrar fjárhagsþarfar. Úthlutunin er jafnframt háð undirritun afrekssamnings og því að skilyrði samnings séu uppfyllt.
Eftirfarandi íþróttafólk fær úthlutun úr Afrekssjóði FRÍ í fyrri úthlutun ársins. Listinn er birtur í stafrófsröð.
- Andrea Kolbeinsdóttir
- Aníta Hinriksdóttir
- Arnar Pétursson
- Baldvin Þór Magnússon
- Birna Kristín Kristjánsdóttir
- Daníel Ingi Egilsson
- Elísabet Rut Rúnarsdóttir
- Erna Sóley Gunnarsdóttir
- Guðni Valur Guðnason
- Guðrún Karítas Hallgrímsdóttir
- Hilmar Örn Jónsson
- Hlynur Andrésson
- Irma Gunnarsdóttir
- Sindri Hrafn Guðmundsson
Afreksefni U18 og U20
- Arndís Diljá Óskarsdóttir
- Benedikt Gunnar Jónsson
- Bryndís Embla Einarsdóttir
- Christina Alba Marcus Hafliðadóttir
- Eir Chang Hlésdóttir
- Garðar Atli Gestsson
- Hera Christensen
- Ísold Sævarsdóttir
- Júlía Kristín Jóhannesdóttir
- Magnús Elías Harvard
- Tóbías Þórarinn Matharel
Afrekssjóður FRÍ hefur aðalúthlutun að vori en einnig er gert ráð fyrir úthlutun að hausti, þar sem árangur ársins er metinn.