Meistaramót Íslands í maraþoni fór fram samhliða Haustmaraþoni Félags maraþonhlaupara laugardaginn 10. október í Elliðaárdal.
Arnar Pétursson úr Breiðabliki og Linda Heiðarsdóttir úr Ármanni urðu Íslandsmeistarar í maraþoni 2026.
Mikil spenna var í karlaflokki þar sem Arnar og Pétur Haukur Jóhannesson úr UFA háðu harða baráttu um Íslandsmeistaratitilinn. Arnar náði að skapa lítið bil á lokakílómetrunum og kom í mark á 2:40:56.
Pétur Haukur varð annar á 2:41:14, aðeins 18 sekúndum á eftir Arnari, og Börkur Þórðarson úr UMFN varð þriðji á 2:46:34.
Í kvennaflokki varð Linda Heiðarsdóttir úr Ármanni Íslandsmeistari á tímanum 3:27:27. Hafdís Guðrún Hilmarsdóttir, einnig úr Ármanni, varð önnur á 3:48:31 og Hanný Inga Birschbach úr Breiðabliki þriðja á 3:53:19.
Íslandsmeistarar í aldursflokkum
Einnig var keppt um Íslandsmeistaratitla í aldursflokkum. Til að geta unnið til verðlauna á Meistaramóti Íslands þarf keppandi að vera íslenskur ríkisborgari, skráður í aðildarfélag FRÍ ásamt því að hlaupa í félagsbúning.
Karlar
- 23–39 ára: Arnar Pétursson, Breiðablik – 2:40:56
- 40–44 ára: Pétur Haukur Jóhannesson, UFA – 2:41:14
- 45–49 ára: Börkur Þórðarson, UMFN – 2:46:34
- 50–54 ára: Viðar Bragi Þorsteinsson, Hraði – 3:06:59
- 55–59 ára: Bjarni Ármannsson, Hraði – 3:04:56
- 60–64 ára: Einar Arnarsson, KR – 3:35:09
Konur
- 40–44 ára: Linda Heiðarsdóttir, Ármann – 3:27:27
- 50–54 ára: Hafdís Guðrún Hilmarsdóttir, Ármann – 3:48:31
Alls luku 32 hlauparar heilu maraþoni í Haustmaraþoninu, sem var síðasta Meistaramót Íslands ársins í götuhlaupum.