Freyja Nótt Andradóttir (FH) setti á laugardag glæsilegt aldursflokkamet í 60 metra hlaupi á Gaflaranum í Hafnarfirði. Hún kom í mark á tímanum 7,73 sek. og bætti aldursflokkametin sín í 12 og 13 ára flokki um 27 sekúndubrot. Hún bætti einnig aldusflokkamet í 14 ára flokki sem var áður 7,90 sek. sem Helga Margrét Þorsteinsdóttir setti árið 2005.
NM í víðavangshlaupi
Fjórir Íslendingar kepptu á Norðurlandameistaramóti í víðavangshlaupi sem fór fram í Kristiansand í Noregi á Laugardag. Arnar Pétursson (Breiðablik) keppti í 9 km víðavangshlaupi í karlaflokki og kom 18. í mark á tímanum 35:19,0 mín. Íris Dóra Snorradóttir (FH) og Anna Berglind Pálmadóttir (UFA) kepptu einnig í 9 km víðavangshlaupi í kvennaflokki. Íris kom 14. í mark á tímanum 42:32,0 mín. og Anna þar á eftir á tímanum 43:30,0 mín. Jökull Bjarkason (ÍR) keppti í 6 km víðavangshlaupi unglinga og kom 19. í mark á tímanum 23:32,3 mín.
