Frjálsíþróttasamband Íslands býður nú upp á 1. stigs þjálfaranámskeið FRÍ, fyrsta stig þjálfaranáms okkar. Námskeiðið er ætlað öllum sem vilja öðlast traustan grunn í íþróttaþjálfun og verkfæri til að þjálfa börn á aldrinum 12 ára og yngri.
Námskeiðið er bæði bóklegt og verklegt:
Bóklegur hluti: Fer fram á Canvas og er sjálfsnám. Þátttakendur fara í gegnum efnið á sínum hraða (lesefni, kynningarefni og verkefni).
Verklegur hluti: Verklegur dagur þar sem farið verður í fjölbreyttar æfingar og aðferðir í þjálfun barna. Stefnt er að því að hafa verklega hlutann sunnudaginn 8. nóvember í Reykjavík.
Forsenda þátttöku: Námskeiðið er framhald af 1. stigs þjálfaranámskeiði ÍSÍ og því þarf annaðhvort að hafa lokið því áður eða taka það samhliða. Næsta námskeið hjá ÍSÍ hefst 14. september.
Verð: 25.000 kr.
– Innifalið er aðgangur að öllu námsefninu, verklega kennslan og matur og hressing meðan á verklega hlutanum stendur.
Skráning fer fram hér
Ef einhverjar spurningar eða vangaveltur vakna, endilega hafið samband: bjorg@fri.is