Um helgina fara fram MÍ í fjölþrautum og MÍ í eldri aldursflokkum á Selfossvelli. Á mótunum tveimur eru samtals um 45 keppendur á öllum aldri, allt frá 13 ára upp í 85 ára.
Á MÍ í fjölþrautum keppir mikið af efnilegasta fjölþrautarfólki landsins. Landsliðskonan María Rún Gunnlaugsdóttir, sem hefur verið ein fremsta fjölþrautarkona Íslands undanfarin ár, er skráð til leiks.
Á MÍ í eldri aldursflokkum keppir mikið af okkar reyndasta frjálsíþróttafólki, en flestir keppendur eru skráðir í kringlukast.
Við hvetjum alla til að leggja leið sína á Selfoss um helgina og fylgjast með fjölbreyttri, spennandi og skemmtilegri keppni!
Hér má finna tímaseðil fyrir MÍ í eldri aldursflokkum.
Hér má finna tímaseðil fyrir MÍ í fjölþrautum.