Önnur vika maí upprunninn og kominn tími til að fara yfir hvað er framundan í maímánuði á frjálsíþróttavellinum og í götuhlaupunum. Maímánuður markar upphaf utanhússtímabilsins og verður ofsalega gaman að sjá hvernig það fer af stað hjá okkar íþróttafólki.
Æfingamót Selfoss fer fram á Selfossvelli nk. fimmtudag, 8. maí, kl. 18:00-20:00. Þar verður keppt í kringlulasti og hástökki.
Miðvikudaginn 14. maí fer Vormót HSK fram á Selfossvelli og hefst mótið kl. 18:00. Mótið er skráð á Global Calendar og gilda því afrek mótsins sem lágmörk inn á stórmót. Í boði eru fullt af frjálsíþróttagreinum.
Lífssporið fer fram þriðjudaginn 20. maí, en það er götu-og styrktarhlaup sem Líf styrktarfélag stendur fyrir. Hlaupið er FRÍ vottað er boðið upp á 5 km og 10 km hlaup. Hlaupið verður ræst kl. 18 við Braggann í Nauthólsvík og verður hlaupiðum Fossvogsdalinn. Sameiginleg upphitun hefst kl. 17:45 við rásmarkið. Skráning og frekari upplýsingar eru inn á netskraning.is.
Stökkmót Keflavíkur fer fram laugardaginn 24. maí í Blue höllinni í Keflavík kl. 11:00-14:00. Mótið er fyrir eldri aldursflokka og er keppt í langstökki án atrennu, þrístökki án atrennu, hástökki án atrennu og hástökk með atrennu.
Síðustu vikuna í maí er komið að fyrsta landsliðsverkefni tímabilsins, þegar Smáþjóðaleikarnir fara fram í Andorra dagana 26.-30. maí. Í ár sendir Íslands 20 íþróttamenn til keppni í flestum greinum leikanna, en frétt um íslenska liðið verður birt fljótlega.
Fimmtudaginn 29. maí (uppstigningardagur) fer Fjölnishlaup Olís fram í Grafarvoginum. Hlaupið er FRÍ vottað og er boðið upp á 5 km og 10 km hlaup. Hlaupið er ræst kl. 11 við íþróttamiðstöðinni í Grafarvogi við Dalhús. Skráning og nánari upplýsingar má sjá inn á netskraning.is.