Fimmtudaginn 3. júlí nk. fer Akureyrarhlaup Mizuno og atNorth fram á eyrinni á Akureyri. Hlaupaleiðin er marflöt og vænleg til góðra afreka. Um er að ræða FRÍ vottað 5 km, 10 km og 21,1 km götuhlaup þar sem hlaupið er um eyrina og meðfram ströndinni í átt að flugvellinum
Meistaramót Íslands í 21,1 km götuhlaupi fer fram samhliða Akureyrarhlaupi Mizuno og atNorth. Allir skráðir þátttakendur hlaupinu eru sjálfkrafa skráðir þátttakendur í Íslandsmeistaramótinu. Athugið þó að einungis íslenskur ríkisborgari skráður í aðildarfélag FRÍ getur orðið Íslandsmeistari og átt tilkall til verðlauna. Ekki er gerð krafa um að yngri en 18 ára séu skráð í aðildarfélag. Einnig er gerð krafa um félagsbúning, þannig að við hvetjum öll sem ætla að keppa um Íslandsmeistaratitil í sínum aldursflokki að mæta í félagsbúning í hlaupið.
Flott verðulaun verða í boði í hlaupinu.
Nánari upplýsingar um hlaupið, hlaupaleiðina, verðlaun og skráningu er að finna inn á netskraning.is.