Glæsileg ný aðstaða í Borgarnesi

Penni

Fólk í frétt

Deila

Glæsileg ný aðstaða í Borgarnesi

Glæsilegt nýtt fjölnota íþróttahús hefur risið í Borgarnesi en húsið, sem ber heitið Hlaðan, var vígt í ágúst síðastliðnum. Í húsinu er góð aðstaða til frjálsíþróttaiðkunar auk knattspyrnuvallar.

Hlaðan er kærkomin viðbót við þá góðu aðstöðu sem fyrir er á frjálsíþróttavellinum í Borgarnesi. Í húsinu eru tvær 60 metra hlaupabrautir og tartan liggur í kringum allan knattspyrnuvöllinn. Þar er einnig stórt tartansvæði með langstökksgryfju. Aðstaðan og búnaður til frjálsíþróttaiðkunar eru til fyrirmyndar og gefa iðkendum Frjálsíþróttafélags Borgarfjarðar tækifæri til að æfa nánast allar greinar frjálsíþrótta við góðar aðstæður.

Mikil gróska er í starfi Frjálsíþróttafélags Borgarfjarðar og hefur iðkendum fjölgað. Félagið heldur úti æfingum bæði í Borgarnesi og á Kleppjárnsreykjum.

Unnur Jónsdóttir er formaður félagsins og jafnframt þjálfari á Kleppjárnsreykjum, en Karina Nielsen sér um þjálfun í Borgarnesi.

FRÍ óskar Borgfirðingum öllum innilega til hamingju með þessa glæsilegu nýju aðstöðu og óskar félaginu velfarnaðar í áframhaldandi uppbyggingu frjálsíþróttastarfs á svæðinu.

Penni

•

[rt_reading_time]

min lestur

Fólk í frétt

Deila

Glæsileg ný aðstaða í Borgarnesi

Skrifstofa

Engjavegur 6, 104 Reykjavík

Netfang

fri@fri.is

Sími

+354 514 4040

Search

Dæmi um leit