Þrír keppendur hafa verið valdir til þátttöku á Norðurlandameistaramótinu í víðavangshlaupi sem fer fram sunnudaginn 8. nóvember í Växjö í Svíþjóð.
Íslensku keppendurnir eru:
- Davíð Freyr Magnússon (ÍR) – U20 karla
- Sindri Karl Sigurjónsson (ÍR) – U20 karla
- Helga Lilja Maack (ÍR) – U20 kvenna
Öll þrjú hafa náð góðum árangri í lengri hlaupum og eiga að baki reynslu úr keppni hér á landi. Þau munu etja kappi við efnilega hlaupara frá hinum Norðurlöndunum.
Mótið fer fram á Evedal-frístundasvæðinu við Helgasjön-vatn, rétt norðan við Växjö. Hlaupið verður á tveggja kílómetra hring sem liggur að mestu um graslendi, en einnig yfir sandkafla.
Keppt verður í 5 km hlaupi í flokki 20 ára og yngri, en í fullorðinsflokki verður hlaupin 8 km vegalengd.
Keppnistímar íslensku hlauparanna sunnudaginn 8. nóvember (íslenskur tími):
- Kl. 09:00 – U20 kvenna, 5 km (Helga Lilja)
- Kl. 09:30 – U20 karla, 5 km (Davíð Freyr og Sindri Karl)
FRÍ óskar íslensku keppendunum góðs gengis á Norðurlandameistaramótinu!