Road to Birmingham
Staðan á Road to Birmingham-listanum 23. júní
Átta Íslendingar eru inni á Road to Birmingham-listanum. Fjórir eru inni með lágmark og fjórir eru inni í gegnum stöðu á ranking-lista. Taflan sýnir einnig stöðuna frá 9. júní og hreyfingu á listanum frá síðustu tölum.
| Nafn | Grein | Kvóti | Staða 23.06. | Hreyfing | Staða |
|---|---|---|---|---|---|
| Guðrún Karítas Hallgrímsdóttir | Sleggjukast | 30 | 7. sæti | 0 | Inni með lágmark |
| Elísabet Rut Rúnarsdóttir | Sleggjukast | 30 | 9. sæti | 0 | Inni með lágmark |
| Hilmar Örn Jónsson | Sleggjukast | 30 | 11. sæti | 0 | Inni með lágmark |
| Baldvin Þór Magnússon | 10.000 m | 27 | 24. sæti | -1 | Inni með lágmark |
| Sindri Hrafn Guðmundsson | Spjótkast | 30 | 17. sæti | +1 | Inni á ranking |
| Erna Sóley Gunnarsdóttir | Kúluvarp | 30 | 18. sæti | 0 | Inni á ranking |
| Guðni Valur Guðnason | Kringlukast | 30 | 23. sæti | +2 | Inni á ranking |
| Hlynur Andrésson | Maraþon | 60 | 49. sæti | 0 | Inni á ranking |
| Hera Christensen | Kringlukast | 30 | 49. sæti | -2 | Í baráttunni |
| Irma Gunnarsdóttir | Þrístökk | 30 | 52. sæti | -7 | Í baráttunni |
| Birna Kristín Kristjánsdóttir | Langstökk | 30 | 58. sæti | -6 | Í baráttunni |
| Eir Chang Hlésdóttir | 200 m | 36 | 65. sæti | -10 | Í baráttunni |
| Júlía Kristín Jóhannesdóttir | 100 m grind | 36 | 69. sæti | -1 | Í baráttunni |
| Helga Þóra Sigurjónsdóttir | Hástökk | 30 | 86. sæti | -2 | Í baráttunni |
| Eva María Baldursdóttir | Hástökk | 30 | — | — | Í baráttunni |
Þessi staða getur breyst hratt næstu vikur þar sem mót, nýir árangrar og breytingar á alþjóðlegum listum hafa áhrif á röðunina. Staða íslenska hópsins er þó sterk, sérstaklega í kastgreinum þar sem Ísland á nú nokkra keppendur inni eða mjög sýnilega á listanum.
Guðrún Karítas sigraði sleggjukast á Copenhagen Games
Guðrún Karítas Hallgrímsdóttir átti frábært mót á Copenhagen Athletics Games í Kaupmannahöfn þegar hún sigraði í sleggjukasti með 73,12 m kasti. Sigurinn var sérstaklega sterkur þar sem í öðru sæti varð Ítalinn Sara Fantini, ríkjandi Evrópumeistari í greininni.
Guðrún Karítas keppti einnig fyrr í vikunni á Motonet GP í Kuortane í Finnlandi þar sem hún kastaði 68,63 m og varð í 5. sæti. Hún fylgdi því eftir með góðum árangri í Kaupmannahöfn.
Á sama móti varð Hera Christensen í 7. sæti í kringlukasti með 53,64 m og Irma Gunnarsdóttir stökk 12,77 m í þrístökki. Kristófer Þorgrímsson hljóp 100 m á 10,88 sekúndum í undanrásum og jafnaði sinn besta árangur á tímabilinu.
Kjartan Óli með stórhlaup í Osló
Kjartan Óli Bjarnason átti frábært hlaup þegar hann sigraði í 400 m hlaupi á Boysen Memorial í Osló á 47,44 sekúndum. Tíminn er persónuleg bæting og aðeins 0,04 sekúndum frá lágmarki á HM U20.
Framhaldið hjá honum verður mjög spennandi ef hann nær að byggja áfram á þessari frammistöðu.
Christina Alba og Eir Chang sterkar í sprettinum
Christina Alba Marcus Hafliðadóttir hélt áfram að sýna styrk sinn í 100 m hlaupi þegar hún hljóp á 11,80 sekúndum í Osló. Christina Alba hefur verið ein af mest spennandi ungu spretthlaupakonum landsins og theldur áfram að sýna það
Eir Chang Hlésdóttir átti einnig mjög gott hlaup á Boysen Memorial þegar hún sigraði sinn riðil í 200 m á 23,51 sekúndum. Tíminn er hennar besti á tímabilinu og mikilvægur árangur í baráttunni um stöðu á alþjóðlegum listum.
Kristófer Þorgrímsson keppti einnig í Osló og varð annar í sínum riðli í 100 m hlaupi á 10,90 sekúndum.
Guðni Valur sigraði í Frakklandi
Guðni Valur Guðnason keppti tvisvar í kringlukasti í vikunni. Hann varð í 5. sæti á mótinu Jõhvi 2026 í Eistlandi þann 16. júní með 61,64 m kasti.
Fjórum dögum síðar keppti hann á Meeting National de Salon de Provence í Frakklandi og sigraði þar í kringlukasti með 60,56 m. Guðni Valur heldur því áfram að sýna stöðugleika yfir 60 metrum á alþjóðlegum mótum.
Sindri Hrafn með sigur í spjótkasti
Sindri Hrafn Guðmundsson sigraði í spjótkasti á Iron Wood Classic Day 2 í Rathdrum í Idaho í Bandaríkjunum. Sindri kastaði 78,83 m og vann greinina.
Á sama móti varð Elísabet Rut Rúnarsdóttir í 2. sæti í sleggjukasti með 69,06 m kasti.
Erna Sóley sjötta í Kuortane
Erna Sóley Gunnarsdóttir keppti í kúluvarpi á Motonet GP í Kuortane í Finnlandi og varð í 6. sæti með 15,90 m. Á sama móti keppti Guðrún Karítas Hallgrímsdóttir í sleggjukasti, þar sem hún varð í 5. sæti með 68,63 m.
Úrslit vikunnar erlendis
Copenhagen Athletics Games – Kaupmannahöfn, Danmörk, 22. júní
Kristófer Þorgrímsson – 100 m – 10,88 sek.
Irma Gunnarsdóttir – þrístökk – 12,77 m
Hera Christensen – kringlukast – 53,64 m
Guðrún Karítas Hallgrímsdóttir – sleggjukast – 73,12 m, 1. sæti
Motonet GP – Kuortane, Finnland, 20. júní
Erna Sóley Gunnarsdóttir – kúluvarp – 15,90 m, 6. sæti
Guðrún Karítas Hallgrímsdóttir – sleggjukast – 68,63 m, 5. sæti
Meeting National de Salon de Provence – Frakkland, 20. júní
Guðni Valur Guðnason – kringlukast – 60,56 m, 1. sæti
Iron Wood Classic Day 2 – Rathdrum, Idaho, Bandaríkin, 20. júní
Sindri Hrafn Guðmundsson – spjótkast – 78,83 m, 1. sæti
Elísabet Rut Rúnarsdóttir – sleggjukast – 69,06 m, 2. sæti
Jõhvi 2026 – Eistland, 16. júní
Guðni Valur Guðnason – kringlukast – 61,64 m, 5. sæti
Folksam GP – Sollentuna, Svíþjóð, 14. júní
Daði Arnarson – 800 m – 1:55,35 mín., 3. sæti í B-riðli
Krakkafrjálsar á ferð um landið
Í sumar og haust fer FRÍ í ferðalag og heldur æfingar á víð og dreifð um landið. Ferðalagið er hafið og hafa þegar verið æfingar í Stykkishólmi, á Blönduósi, á Skagaströnd og á Borg. Yfir 100 krakkar hafa tekið þátt hingað til og gleðin leynir sér ekki!
Næsta stopp er Höfn í Hornafirði.
