Irma Gunnarsdóttir (FH) bætti í dag tæplega 26 ára gamalt Íslandsmet Sigríðar Önnu Guðjónsdóttir í þrístökki. Irma stökk 13,40m í fimmtu umferð og átti hún 3 stökk yfir gamla metinu sem sem var 13,18m. Irma endaði í fjórða sæti í sterkri keppni.
Kolbeinn Höður Gunnarsson bætti eigið Íslandsmet í 200 metra hlaupi er hann kom þriðji í mark á tímanum 20,91 sek. (+0,8) Fyrra met hans var 20,96s frá árinu 2017.
Guðni Valur Guðnasson (ÍR) varð Norðurlandameistari í kringlukasti karla með kasti upp á 63,41m. Mímir Sigurðsson (FH) vann til bronsverðlauna með 54,81m.
Sindri Hrafn Guðmundsson (FH) varð Norðurlandameistari í spjótkasti karla með kasti upp á 76,40m, Æfingafélagi hans, Dagbjartur Daði Jónsson (ÍR), varð annar með 75,38m löngu kasti.
Daníel Ingi Egilsson (FH) vann til silfurverðlauna í langstökki karla með stökki upp á 7,53m (0,0).
Guðbjörg Jóna Bjarnadóttir (ÍR) náði fimmta sæti í 200m hlaupi á tímanum 23,98s (+2.0).
Vigdís Jónsdóttir (ÍR) náði síðan áttunda sæti í sleggjukasti kvenna með kasti upp á 61,26m.