Rauðavatn Ultra fer fram í annað sinn föstudaginn 7. ágúst og laugardaginn 8. ágúst 2026. Boðið verður upp á fjórar keppnisgreinar: hálfmaraþon, maraþon, 100 km hlaup og 24 klukkustunda hlaup.
Í 24 klukkustunda hlaupinu reyna þátttakendur að hlaupa eins marga hringi og þeir geta í kringum Rauðavatn innan tímamarkanna. Hver hringur er um 3,14 km.
Í 100 km hlaupinu, sem jafnframt er Íslandsmeistaramót FRÍ, hlaupa keppendur 32 hringi. Tímamörk í hlaupinu eru 15 klukkustundir.
Vegalengdirnar 21,1 km, 42,2 km og 100 km eru FRÍ-vottaðar.
Rástímar
Föstudagur 7. ágúst
- Kl. 18:00 – 24 klukkustunda hlaup
- Kl. 23:59 – 100 km hlaup og Íslandsmeistaramót
Laugardagur 8. ágúst
- Kl. 09:00 – 42,2 km hlaup
- Kl. 11:00 – 21,1 km hlaup
Keppendur í 21,1 km, 42,2 km og 100 km hlaupunum verða ræstir inn á hlaupaleiðina þannig að þeir ljúki hlaupinu á réttum stað og nákvæm vegalengd verði tryggð.
Staðsetning
Ræst verður við Rauðavatn í Reykjavík, fyrir neðan Morgunblaðshúsið.
Afhending hlaupanúmera
Hlaupanúmer verða afhent í Sportvörum tveimur til þremur dögum fyrir hlaupið.
Einnig verður hægt að sækja hlaupanúmer við Rauðavatn frá einni klukkustund fyrir ræsingu í hverri vegalengd.
Reglur í 100 km hlaupi
Einn aðstoðarmaður er leyfður frá upphafi hlaups. Önnur utanaðkomandi aðstoð er ekki leyfð úti á hlaupaleiðinni.
Hlauparar mega koma með:
- Aukaskó
- Einn bakpoka með næringu og aukabúnaði
- Lítið box, að hámarki um 20 × 20 cm, fyrir eigin næringu
Bakpokar verða geymdir á gólfi í tjaldi, eftir því sem pláss leyfir. Sérstakt borð verður í tjaldinu meðfram veginum fyrir keppendur í 100 km hlaupi. Box þurfa að vera greinilega merkt með nafni og hlaupanúmeri.
Tímamörk í 100 km hlaupi eru 15 klukkustundir. Til viðmiðunar jafngildir það um 8:24 mínútum á kílómetra, sé gert ráð fyrir að hlaupa í 14 klukkustundir og verja samtals einni klukkustund í stopp og hvíld.
Keppendur sem hafa ekki lokið vegalengdinni þegar tímamörkin renna út verða stöðvaðir.
Reglur í 42,2 km hlaupi
Aðstoðarmenn eru ekki leyfðir.
Hlauparar mega koma með lítið, merkt box með eigin næringu og drykk. Boxið verður geymt á sérstöku borði við drykkjarstöðina.
Enginn annar búnaður verður geymdur í tjaldinu.
Reglur í 21,1 km hlaupi
Aðstoðarmenn eru ekki leyfðir og ekki má veita keppendum utanaðkomandi aðstoð úti á hlaupaleiðinni.
Ekki verður hægt að geyma búnað í tjaldinu.
Skráning
Á skráningarsíðunni má jafnframt finna ítarlegri upplýsingar um hlaupið.