Í dag fór seinni dagur Meistaramóts Íslands innanhúss fram í Laugardalshöllinni og hann stóð fyllilega undir væntingum, í takt við frábæran fyrri dag mótsins.
Keppt var til úrslita í 13 greinum auk tveggja boðhlaupa og sáust margar sterkar frammistöður, góðir tímar og glæsileg afrek víðs vegar um keppnina.
Í stigakeppni karla endaði FH efst með 21 stig. ÍR fylgdi þar fast á eftir með 18 stig og Fjölnir varð í þriðja sæti með 11 stig. Í kvennaflokki var FH einnig í efsta sæti með 31 stig, ÍR í öðru með 27 stig og Fjölnir í þriðja með 12 stig.
FH tryggði sér þar með Íslandsmeistaratitil innanhúss 2026 með afar sannfærandi heildarframmistöðu, félagið endaði efst í bæði karla- og kvennaflokki og var jafnframt með stigahæstu afrek mótsins í báðum flokkum.
Birna Kristín Kristjánsdóttir var stigahæst í kvennaflokki með 1081 stig eftir glæsilegan sigur í langstökki þar sem hún stökk 6,38 m. Í karlaflokki var Daníel Ingi Egilsson stigahæstur með 1016 stig eftir sigur í 60 m hlaupi á tímanum 6,85 sek.
Þrístökk
Í þrístökki karla sigraði Guðjón Dunbar Diaquoi Þorsteinsson með sterku stökki og tryggði sér Íslandsmeistaratitilinn. Fyrir aftan hann komu Veigar Þór Víðisson og Daníel Smári Björnsson, og settu þeir báðir persónuleg met, flottur dagur hjá strákunum.
Íslandsmeistari: Guðjón Dunbar Diaquoi Þorsteinsson (Fjölnir) – 14,04 m
2. sæti: Veigar Þór Víðisson (Umf. Hekla) – 12,25 m (PB)
3. sæti: Daníel Smári Björnsson (HSK) – 11,92 m (PB)
Í þrístökki kvenna sigraði Irma Gunnarsdóttir með 13,23 m, sem er hennar besti árangur á tímabilinu. Katrín Marey Magnúsdóttir varð önnur og Anna Metta Óskarsdóttir þriðja. Irma átti fleiri en eina sterka tilraun og var ekki langt frá Íslandsmeti sínu (13,36) sem hún setti árið 2023.
Íslandsmeistari: Irma Gunnarsdóttir (FH) – 13,23 m
2. sæti: Katrín Mary Magnúsdóttir (ÍR) – 11,49 m
3. sæti: Anna Metta Óskarsdóttir (HSK) – 11,33 m
200m hlaup
200 metra hlaupin buðu upp á mikla spennu. Í kvennaflokki hélt Eir Chang Hlésdóttir Íslandsmeistaratitli sínum frá því í fyrra með frábærum tíma, 24,11 sek. Ísold Sævarsdóttir varð önnur á 25,18 sek og María Rún Gunnlaugsdóttir þriðja á 25,39 sek. Allar komu þær vel út úr blokkunum og fyrstu beygju, en Eir byggði upp forystu sína af öryggi og sigraði sannfærandi.
Íslandsmeistari: Eir Chang Hlésdóttir (ÍR) – 24,11 sek
2. sæti: Ísold Sævarsdóttir (FH) – 25,18 sek
3. sæti: María Rún Gunnlaugsdóttir (ÍR) – 25,39 sek
Í karlaflokki var hlaupið ótrúlega jafnt og spennandi en það var Kristófer Þorgrímsson sem sigraði 200m hlaupið á flottum tíma, 22,20sek, en Ívar Kristinn Jasonarson var einungis tveim sekúndubrotum á eftir á 22,22 sek og Gabríel Glói Freysson á 22,40 sek í því þriðja
Íslandsmeistari: Kristófer Þorgrímsson (FH) – 22,20 sek
2. sæti: Ívar Kristinn Jasonarson (ÍR) – 22,22 sek
3. sæti: Gabríel Glói Freysson (UFA) – 22,40 sek
Stangarstökk
Í stangarstökki kvenna var baráttan jöfn og úrslitin réðust á tilraunum. Hanna María Petersdóttir og Katrín Tinna Pétursdóttir fóru báðar yfir 3,23 m, en Hanna María tryggði sér sigurinn á færri tilraunum. Edith Anna Theodórsdóttir varð þriðja með 3,13 m og settu bæði Katrín Tinna og Edith Anna persónuleg met.
Íslandsmeistari: Hanna María Petersdóttir (Fjölnir) – 3,23 m
2. sæti: Katrín Tinna Pétursdóttir (Fjölnir) – 3,23 m (PB)
3. sæti: Edith Anna Theodórsdóttir (Ármann) – 3,13 m (PB)
Hástökk
Í hástökki karla voru bætingar áberandi. Brynjar Páll Jóhannsson sigraði með nýju persónulegu meti, með frábæra tilraun yfir 1,90 m. Jacques R. S. Borges Schmitt og Ægir Örn Kristjánsson fóru báðir yfir 1,80 m, en Jacques endaði í öðru sæti á færri tilraunum. Allir þrír bættu persónuleg met.
Íslandsmeistari: Brynjar Páll Jóhannsson (UFA) – 1,90 m (PB)
2. sæti: Jacques R. S Borges Schmitt (Breiðablik) – 1,80 m (PB)
3. sæti: Ægir Örn Kristjánsson (Breiðablik) – 1,80 m (PB)
800m hlaup
800 metra hlaup kvenna var æsispennandi. Elín Sóley Sigurbjörnsdóttir sigraði eftir harða baráttu við Írisi Dóru Snorradóttur, sem var aðeins hálfri sekúndu á eftir í mark. Vilhelmína Þór Óskarsdóttir varð þriðja en hún leiddi hlaupið stóran hluta og átti sterkt hlaup.
Íslandsmeistari: Elín Sóley Sigurbjörnsdóttir (ÍR) – 2:24,37
2. sæti: Íris Dóra Snorradóttir (FH) – 2:24,87
3. sæti: Vilhelmína Þór Óskarsdóttir (Fjölnir) – 2:28,24
Í karlaflokki var hlaupið taktískt og spennandi. Leó Örn Þórarinsson sigraði á 1:55,92 og sýndi mikinn karakter á síðustu 150 metrunum þegar hann skar sig úr. Fjölnir Brynjarsson varð annar á 1:56,40 og Patrekur Ómar Haraldsson þriðji á nýju persónulegu meti, 1:57,56.
Íslandsmeistari: Leó Örn Þórarinsson (FH) – 1:55,92
2. sæti: Fjölnir Brynjarsson (FH) – 1:56,40
3. sæti: Patrekur Ómar Haraldsson – 1:57,56 (PB)
Kúluvarp
Erna Sóley Gunnarsdóttir sigraði kúluvarpið með yfirburðum með kasti upp á 17,09 m, sem er hennar besti árangur á tímabilinu. Hera Christensen varð önnur með 13,62 m og Ísold Sævarsdóttir þriðja með nýtt persónulegt met, 12,80 m. Erna Lýsir frá því í viðtali við RÚV að henni hefur undanfarið gengið betur á æfingum en í keppni, en hún stefnir á EM utanhúss í sumar.
Íslandsmeistari: Erna Sóley Gunnarsdóttir (ÍR) – 17,09 m
2. sæti: Hera Christensen (FH) – 13,62 m
3. sæti: Ísold Sævarsdóttir (FH) – 12,80 m (PB)
60m grindarhlaup
60 m grindarhlaupið var keyrt í tveimur riðlum og úrslitin réðust á tímunum. Glódís Edda Þuríðardóttir hljóp á 8,70 sek í fyrri riðli og setti tóninn, en í þeim síðari tryggði Ísold Sævarsdóttir sér Íslandsmeistaratitilinn með nýju persónulegu meti, 8,63 sek. María Rún Gunnlaugsdóttir varð þriðja á 8,77 sek.
Íslandsmeistari: Ísold Sævarsdóttir (FH) – 8,63 sek (PB)
2. sæti: Glodis Edda Þuríðardóttir (KFA) – 8,70 sek
3. sæti: María Rún Gunnlaugsdóttir (ÍR) – 8,77 sek
Í karlaflokki sigraði Ívar Ylur Birkisson með nýju persónulegu meti, 8,45 sek. Ívar Kristinn Jasonarson varð annar á 8,52 sek og Jörundur Þór Hákonarson þriðji.
Íslandsmeistari: Ívar Ylur Birkisson (HSK) – 8,45 sek (PB)
2. sæti: Ívar Kristinn Jasonarson (ÍR) – 8,52 sek
3. sæti: Jörundur Þór Hákonarson (Ármann) 9,54 sek
3000m hlaup
Í 3000 m hlaupi kvenna sigraði Íris Anna Skúladóttir á 10:11,85. Fríða Rún Þórðardóttir varð önnur á 11:14,13.
Íslandsmeistari: Íris Anna Skúladóttir (FH) – 10:11,85
2. sæti: Fríða Rún Þórðardóttir (ÍR) – 11:14,13
Í karlahlaupinu sigraði Arnar Pétursson með góðri forystu og kom í mark um 50 metrum á undan næstu mönnum á 8:45,98. Jökull Bjarkason varð annar á 8:49,89 og Stefán Pálsson þriðji á 8:50,97, og settu þeir báðir persónuleg met.
Íslandsmeistari: Arnar Pétursson (Breiðablik) – 8:45,98
2. sæti: Jökull Bjarkason (ÍR) – 8:49,89 (PB)
3. sæti: Stefán Pálsson (Ármann) – 8:50,97 (PB)
4x200m boðhlaup
Boðhlaupin eru oft hápunktur helgarinnar og geta haft afgerandi áhrif á stigakeppni. Í kvennaflokki sigraði ÍR á 1:42,99, Fjölnir varð í öðru sæti á 1:47,44 og FH í því þriðja á 1:51,33. Hlaupið var spennandi, og Fjölnisliðinu tókst að halda skiptingum innan skiptisvæðis þrátt fyrir tæpa stöðu í einni skiptingu.
Í kvenna flokki var það ÍR sem sigraði, Fjölnir í því öðru og FH í því þriðja. Hlaupið var æsispennandi en Fjölnis stelpurnar voru ótrúlega nálægt því að gera ógilt hlaup en rétt náðu einni skiptingu innan skiptisvæðis.
Sveit ÍR skipuðu: María Rún Gunnlaugsdóttir, Júlía Mekkín Guðjónsdóttir, Guðbjörg Jóna Bjarnadóttir og Eir Chang Hlésdóttir.
Sveit Fjölni skipuðu: Christina Alba Marcus Hafliðadóttir, Kristjana Lind Emilsdóttir, Hanna María Petersdóttirog Vilhelmína Þór Óskarsdóttir.
Sveit FH skipuðu: Rakel Lea Jónsdóttir, Auður Alice Jónsdóttir, Berglind Sif Ástþórsdóttir og Lena Rún Aronsdóttir.
Íslandsmeistari: ÍR – 1:42,99
2. sæti: Fjölnir – 1:47,44
3. sæti: FH – 1:51,33
Í karlaflokki var keppnin ekki síðri og góðar skiptingar réðu miklu. ÍR sigraði á 1:30,99, Fjölnir varð í öðru sæti á 1:31,49 og FH í þriðja sæti á 1:32,06.
Sveit ÍR skipuðu: Ívar Kristinn Jasonarson, Iwo Egill Macuga Árnason, Bjarni Anton Theódórsson og Ingvar Elíasson.
Sveit Fjölni skipuðu: Kjartan Óli Bjarnason, Pétur Óli Ágústsson, Grétar Björn Unnsteinsson og Guðjón Dunbar Diaquoi Þorsteinsson.
Sveit FH skipuðu: Ívar Magnússon, Kári Björn Nagamany Hauksson, Leó Þór Magnússon og Leó Örn Þórarinsson.
Íslandsmeistari: ÍR – 1:30,99
2. sæti: Fjölnir – 1:31,49
3. sæti: FH – 1:32,06
Samantekt
Frábært Meistaramót Íslands í frjálsíþróttum að baki og óskum við öllu þessu flotta íþróttafólki til hamingju með árangurinn sinn.
Heildarúrslit mótsins má sjá hér.