Irma Gunnarsdóttir (FH) bætti í dag Íslandsmetið í þrístökki kvenna innanhúss er hún stökk 13,13 metra á Stökkmóti FH. Metið var áður 12,83 metrar sem Sigríður Anna Guðjónsdóttir setti árið 1997 en hún á líka metið utanhúss sem er 13,18 metrar.
Hin 12 ára Freyja Nótt Andradóttir (FH) var í dag að bæta aldursflokkamet í 60m hlaupi í U18 ára flokki. Hún kom í mark á tímanum 7,58 og bætti þar með U18 ára met Tiönu Óskar um eitt sekúndubrot. Þessi árangur setur hana í sjöunda sæti í 60m hlaupi kvenna frá upphafi og deilir hún sætinu með Sunnu Gestsdóttir.
