Hera Christensen úr FH setti nýtt Íslandsmet í kringlukasti kvenna þegar hún kastaði 56,76 metra á 100. Meistaramóti Íslands á ÍR-vellinum í Skógarseli.
Hera náði metkastinu í þriðju umferð keppninnar og bætti um leið sitt eigið persónulega met. Kastið tryggði henni einnig Íslandsmeistaratitilinn og nýtt mótsmet.
Fyrra mótsmetið var 53,56 metrar og hafði staðið frá árinu 1986, þegar Guðrún Ingólfsdóttir úr KR setti það. Hera fór alls þrívegis yfir gamla mótsmetið í keppninni. Hún kastaði fyrst 53,90 metra í annarri umferð, bætti sig síðan í 56,76 metra og kastaði einnig 53,93 metra í fjórðu umferð.
Kastsería Heru var afar stöðug og öll sex köstin gild:
52,87 – 53,90 – 56,76 – 53,93 – 52,75 – 54,48
Hera, sem er fædd árið 2005, sýndi því mikinn styrk í keppninni og lauk henni með fjögur köst yfir 53 metra.
Hér fyrir neðan má sjá viðtal við Heru eftir keppni