Fyrra degi Meistaramóts Íslands í fjölþrautum og eldri aldursflokkum lauk seinni partinn í dag.
Meistaramót Íslands í fjölþrautum
Keppni í fimmtarþraut er lokið og því búið að krýna þónokkra Íslandsmeistara.
Fjóla Signý Hannesdóttir (Selfoss) sigraði í fimmtarþraut kvenna og hlaut hún 2740 stig.
Ísold Sævarsdóttir (FH) sigraði í fimmtarþraut 18-19 ára stúlkna og hlaut hún 3787 stig.
Helga Fjóla Erlendsdóttir (Garpur) sigraði í fimmtarþraut 16-17 ára stúlkna og hlaut hún 3086 stig.
Anna Metta Óskarsdóttir (Selfoss) sigraði í fimmtarþraut 15 ára stúlkna og hlaut hún 3041 stig.
Dagur Pálmi Ingólfsson (UFA) sigraði í fimmtarþraut 15 ára pilta og hlaut hann 2556 stig.
Heildarúrslit má sjá hér.
Í sjöþrautinni eru fjórar greinar búnar og hér að neðan má sjá stöðuna eftir fyrri daginn.
Ísak Óli Traustason (UMSS) leiðir í sjöþraut karla með 2842 stig.
Hjálmar Vilhelm Rúnarsson (Selfoss) leiðir í sjöþraut 16-17 ára pilta með 2748 stig.
Heildarúrslit dagsins má sjá hér.
Flottur dagur að baki og verður gaman að sjá hvernig morgundagurinn verður. Keppnin hefst á nýjan leik á morgun, sunnudag, kl. 11:00, með grindarhlaupi.
Meistaramót Íslands í eldri aldursflokkum
Svo má ekki gleyma Meistaramóti Íslands í eldri aldursflokkum sem einnig fer fram þessa helgina. Virkilega skemmtileg stemming á mótinu í dag og frábært að sjá þessa góðu mætingu á mótið og var hörkukeppni í sumum greinum í dag.
FH leiðir stigakeppnina með miklum yfirburðum og er með 237 stig eftir daginn.
Heildarúrslit dagsins má sjá hér.
Frábær dagur að baki og morgundagurinn verður örugglega ekki síðri en keppni hefst á morgun kl. 10:20 með stangarstökki.