Erna Sóley Gunnarsdóttir (ÍR) stórbætti í dag eigið Íslandsmet í kúluvarpi kvenna innanhúss á Houston Invitational í Texas í Bandaríkjunum. Fjögur af sex köstum Ernu voru yfir sautján metra og yfir gamla metinu sem var 16,95 metrar. Lengsta kast hennar mældist 17,34 metrar sem er einnig nýtt mótsmet.
Þetta er einnig lengra en Íslandsmet hennar utanhúss sem er 17,29 metrar sem hún setti á Texas Relays í mars á síðasta ári.
Sjáðu kastið hér: