Það er komið að einum stærsta hápunkti innanhússtímabilsins þegar Bikarkeppni FRÍ fer fram í Kaplakrika laugardaginn 7. mars. Þar mætast félög af landinu öllu í liðakeppni þar sem hver grein skilar stigum og baráttan getur sveiflast hratt. Ein vel heppnuð tilraun, eitt frábært hlaup eða ein mistök geta breytt öllu.
Dagskráin er þétt og spennandi, með sterkum einvígjum í spretthlaupum, stökkgreinum og kúluvarpi, og svo endar dagurinn á 4×200 m boðhlaupum þar sem bikarinn getur ráðist.
Í fyrra stóðu FH uppi sem bikarmeistarar í heildarstigakeppni ásamt því að bikarmeistarar kvenna, en það var Fjölnir/UMSS sem sóttu bikarmeistaratitill karla.
Bikarhelgin heldur áfram daginn eftir með Bikarkeppni FRÍ 15 ára og yngri sem fer fram í Kaplakrika sunnudaginn 8. mars. Dagskrá og helstu atriði má finna neðar í þessari frétt.
Dagskrá og helstu einvígi
Langstökk kvenna – kl. 12:00
Birna Kristín Kristjánsdóttir er sigurstranglegust og hefur sýnt frábæran stökkstyrk í vetur. María Rún Gunnlaugsdóttir er næst á eftir og Anna Metta Óskarsdóttir getur líka blandað sér í baráttuna um mikilvæg stig.
60 m grind karla – kl. 12:30
Ívar Ylur Birkisson, var með besta tímann á MÍ (8,45 sek), en Ívar Kristinn Jasonarson var mjög nálægt (8,51 sek) og getur vel snúið þessu við.
Hástökk kvenna – kl. 12:30
Helga Þóra Sigurjónsdóttir er sigurstranglegust og hefur sýnt stöðugleika í ár. María Rún Gunnlaugsdóttir er næst á eftir og getur vel pressað á ef hún hittir á góðan dag.
Stangarstökk kvenna – kl. 12:30
Hanna María Petersdóttir er sigurstranglegust, með Eyrún Arnu Höskuldsdóttur og Ísold Sævarsdóttur skammt undan. Í þessari grein geta tilraunir og taktísk ákvörðun um hæðir breytt miklu.
60 m grind kvenna – kl. 12:45
Búast má við jöfnu og spennandi einvígi á milli Maríu Rún Gunnlaugsdóttur og Ísoldar Sævarsdóttur, þar sem lítið hefur oft skilið þær að.
Langstökk karla – kl. 12:55
Tobías Þórarinn Matharel er sigurstranglegastur (SB 6,85 m), Guðjón Dunbar Diaquoi Þorsteinsson er skammt undan (SB 6,78 m) og Gylfi Ingvar Gylfason kemur áhugaverður inn en hann hefur ekki keppt mikið vegna meiðsla (PB 6,85 m).
60 m karla – kl. 13:00
Allt bendir til þess að Kristófer Þorgrímsson verði maðurinn sem hinir elta. Hann er eini af keppendum dagsins sem hefur farið undir 7 sek í vetur, en Arnar Logi Brynjarsson, Sveinbjörn Óli Svavarsson og Þorsteinn Pétursson eru allir rétt yfir 7 sek og geta vel blandað sér í toppbaráttuna.
60 m kvenna – kl. 13:10
Christina Alba Marcus Hafliðadóttir, Íslandsmeistari í 60 m, hefur talað um að setja markið á Íslandsmetið. Eir Chang Hlésdóttir verður í harðri baráttu við hana, og munar litlu á þeim eftir Meistaramót Íslands. Þetta getur orðið eitt mest spennandi hlaup dagsins.
Kúluvarp kvenna – kl. 13:10
Erna Sóley Gunnarsdóttir er sigurstranglegust, með Heru Christensen næst á eftir. Mikilvæg stig í pottinum fyrir liðakeppnina.
1500 m karla – kl. 13:30
Arnar Pétursson er líklegastur og eini skráði keppandinn sem hefur farið undir 4 mín. Fjölnir Brynjarsson og Hilmar Ingi Bernharðsson eru svo nánast jafnir á um 4:01 og þar gæti lokahringurinn ráðið öllu.
Hástökk karla – kl. 13:30
Opið og áhugavert. Kári Ófeigsson og Ægir Örn Kristjánsson eiga hæst 1,96 m, en Birnir Vagn Finnsson er næstur á eftir með 1,92 m. Rétti dagurinn og færri tilraunir geta ráðið úrslitum. Helgi Reynisson hefur einnig komið sterkur inn í vetur en hann á SB uppá 1,87 og er í góðu formi
1500 m kvenna – kl. 13:50
Íris Dóra Snorradóttir er sigurstranglegust, með Helgu Lilju Maack næst á eftir. Þetta lítur út fyrir að verða taktískt hlaup þar sem verður fróðleik að sjá hver tekur að sér að leiða hlaupið .
Þrístökk kvenna – kl. 13:50
Irma Gunnarsdóttir er líklegust og kemur inn með sterka stökkseríu í vetur. Anna Metta Óskarsdóttir er næst og getur vel sett pressu ef hún hittir á góða tilraun.
Kúluvarp karla – kl. 14:10
Guðni Valur Guðnason er í lykilhlutverki með SB um 18 m. Fyrir aftan hann verða Sindri Lárusson og Valdimar Hjalti Erlendsson að berjast um næstu stig, og gaman að fylgjast með hvort Örn Davíðsson nái að koma sér í góð stig
400 m karla – kl. 14:20
Kjartan Óli Bjarnason er sigurstranglegastur eftir Íslandsmeistaratitil og 49,19 sek. Ívar Kristinn Jasonarson og Leó Örn Þórarinsson eru mjög nálægt og líklegt að þetta verði ein af lykilgreinum dagsins í stigakeppninni.
400 m kvenna – kl. 14:40
Guðbjörg Jóna Bjarnadóttir kemur inn sem Íslandsmeistari, en Ísold Sævarsdóttir getur alltaf sett pressu. Þar á eftir eru Eyrún Svala Gústavsdóttir og Vilhelmína Þór Óskarsdóttir sem geta sótt mikilvæg stig fyrir sín lið.
Þrístökk karla – kl. 14:45
Guðjón, Tobías og Gylfi, mætast aftur eftir baráttu í langstökkinu. Guðjón er líklegastur til sigurs en Tobías og Gylfi geta báðir gert þetta mjög spennandi.
4×200 m boðhlaup – kl. 15:20 og 15:45
Boðhlaupin geta snúið öllu við. Rétt uppstilling og góðar skiptingar geta skilið á milli bikars og tapaðra stiga. oft er þetta greinin þar sem allt ræðst. Það verður sérstaklega gaman að sjá hvernig lið sem berjast um bikarmeistaratitilinn takast á þegar pressan er mest.
Bikarkeppni FRÍ 15 ára og yngri – sunnudaginn 8. mars
Daginn eftir, sunnudaginn 8. mars, fer fram Bikarkeppni FRÍ 15 ára og yngri í Kaplakrika. Þar mætast félög í skemmtilegri liðakeppni þar sem hvert stig telur og getur staðan breyst hratt eftir því hvernig gengur í greinum.
Í fyrra var það ÍR sem sótti bikarmeistaratitilinn og FH skammt á undan í öðru sæti. Það verður spennandi að fylgjsat með hvort ÍR haldi titlunum eða hvort við fáum nýjan bikarmeistara i ár.
Keppni hefst kl. 11:00 og lýkur með 4×200 m boðhlaupum um kl. 14:00.
Dagskrá
11:00 – 60 m grind stúlkur
11:00 – kúluvarp stúlkur
11:15 – Langstökk stúlkur
11:20 – 60 m grind drengir
11:20 – hástökk drengir
11:40 – 60 m stúlkur
11:50 – 60 m drengir
12:05 – 300 m stúlkur
12:15 – Kúluvarp drengir
12:20 – 300 m drengir
12:30 – Hástökk stúlkur
12:30 – langstökk drengir
12:45 – 1500 m stúlkur
12:55 – 1500 m drengir
13:20 – 4×200 m drengir
13:50 – 4×200 m stúlkur