65. Frjálsíþróttaþing FRÍ stendur yfir í Skógarseli og lýkur seinni partinn 11. apríl. Þar voru þau Ágúst Ásgeirsson úr ÍR, Dóra Gunnarsdóttir frá FRÍ og Sigurður Haraldsson úr FH kjörin heiðursfélagar Frjálsíþróttasambands Íslands.
Ágúst Ásgeirsson
Ágúst á að baki glæsilegan feril sem hlaupari hjá ÍR en hefur eftir að keppnisferlinum lauk lagt mikið af mörkum til frjálsíþróttahreyfingarinnar. Ágúst sat í stjórn FRÍ, fyrst sem stjórnamaður og loks sem formaður FRÍ. Hann hefur hin seinni ár unnið mikið starf með sögunefnd FRÍ að söfnun og útgáfu mikilsverðra upplýsinga s.s. Íslandsmeistaratals í frjálsíþróttum.
Dóra Gunnarsdóttir
Dóra Gunnarsdóttir tengdist frjálsíþróttum í starfi austur á landi hjá ÚÍA en hefur lagt mikið af mörkum til starfs sambandsins. Dóra var stjórnarmanneskja hjá FRÍ og var óþreytandi í mikilvægu sjálfboðastarfi í stuðningi við landslið Íslands um langt skeið, bæði hér á landi sem erlendis.
Sigurður Haraldsson
Fáir hafa reynst traustari og dyggari liðsmenn í íslenskri frjálsíþróttahreyfingu en Sigurður Haraldsson undanfarna áratugi. Sigurður var formaður frjálsíþróttadeildar FH í 28 ár og sem slíkur spilað lykilhlutverk í að gera FH að stórveldi í frjálsíþróttum, en auk formennskunnar hafði hann sinnt verkefnum við hlið föður síns áratugi þar á undan. Auk framangreinds hefur Sigurður reynst ómetanlegur félagi FRÍ með sínu starfi á þingum FRÍ, sem yfirdómari og öflugur nefndarmaður í nefdnum sambandsins undanfarna áratugi.
Einnig voru veitt gull-, silfur- og eirmerki
Gullmerki hlutu:
- Björn Bjarndal Jónsson I HSK/UMFÍ
- Einar Vilhjálmsson I ÍR
- Pétur Guðmundsson I ÍR
- Sonja Sif Jóhannsdóttir I UFA
- Sólveig Kristjánsdóttir I FH
- Örvar Ólafsson I Ármann
Silfurmerki hlutu:
- Aðalheiður María Vigfúsdóttir I Breiðablik
- Auður Árnadóttir I ÍR/FRÍ
- Guðmunda Ólafsdóttir I HSK
- Gunnhildur Hinriksdóttir I HSÞ
- Hilmar Björnsson I RÚV
- Hjördís Ólafsdóttir I ÚÍA
- Magnús Valgeir Gíslason I FRÍ
- Óðinn Björn Þorsteinsson I ÍR
Eirmerki hlutu:
- Auður Aðalbjarnardóttir I Fjölnir
- Ásgeir Sveinsson I HHF
- Ástþór Jón Ragnheiðarson I HSK
- Björgvin Brynjarsson I Breiðablik
- Björn Margeirsson I Ármann
- Elva Björk Sveinsdóttir I FH
- Hallgrímur Egilsson I Breiðablik
- Jökull Úlfarsson I ÍR
- Rúnar Valdimarsson I ÍR
- Soffía Svanhildar Felixdóttir I ÍR/FRÍ
- Silja Úlfarsdóttir I FH
- Sveinn Margeirsson I FRÍ
- Teitur Ingi Valmundsson I UMFA
- Unnur Björnsdóttir I ÍR
Frjálsíþróttasamband Íslands óskar öllum þeim sem hlutu viðurkenningar innilega til hamingju og þakkar þeim jafnframt fyrir þeirra mikilvæga framlag til frjálsíþróttahreyfingarinnar.