Langhlaupanefnd FRÍ hefur gengið frá vali á landsliði Íslands í utanvegahlaupum sem keppir á Evrópumeistaramótinu í Kamnik Slóveníu þann 6. júní 2026. Hlaupið er 53 km með 2600 m samanlagðri hækkun. Brautin virkar mjög hröð og gæti hentað okkar hlaupurum einstaklega vel.
Nefndin horfði til eftirfarandi þátta við val á liðinu:
- Valreglur FRí
- Jafnframt var í auglýsingu getið að auk valreglnanna myndi langhlaupanefnd einnig horfa sérstaklega til árangurs í utanvegahlaupum á árinu 2025 ásamt árangri í ITRA National league (NL) á Íslandi 2025.
- Þá skoðaði nefndin sérstaklega ITRA 50 km listann en árangur hlaupara á honum er mjög vel samanburðarhæfur við verkefnið í Kamnik.
Eftirtaldir hlauparar skipa íslenska liðið:
Karlar
- Þorsteinn Roy Jóhannsson (UMFÖ) – 879 stig. Nr. 1 í NL 2025 og nr. 2 í ITRA 50 km.
- Þorbergur Ingi Jónsson (UFA) – 874 stig. Nr. 2 í NL 2025 og nr. 1 í ITRA 50 km.
- Sigurjón Ernir Sturluson (FH) – 834 stig. Nr. 3 í NL 2025 og nr. 5 í ITRA 50 km.
- Stefán Pálsson (Ármann) – 812 stig. Nr. 4 í NL 2025 og nr. 6 í ITRA 50 km.
Konur
- Andrea Kolbeinsdóttir (ÍR) – 794 ITRA stig. Nr. 1 í NL 2025 og nr. 1 í ITRA 50 km.
- Elísa Kristinsdóttir (UFA) – 794 ITRA stig. Nr. 2 í NL 2025 og nr. 2 í ITRA 50 km.
- Íris Anna Skúladóttir (FH) – 702 ITRA stig. Nr. 4 í NL 2025 og nr. 3 á ITRA 50 km.
- Anna Berglind Pálmadóttir (UFA) – 694 ITRA stig. Nr. 3 í NL 2025 og nr. 4 á ITRA 50 km.
Fararstjóri verður Friðleifur Friðleifsson formaður Langhlaupanefndar FRÍ.
Hér má sjá heimasíðu mótsins.