Vomót ÍR fer fram á morgun, fimmtudaginn 5. júní, á ÍR vellinum í Breiðholti og hefst mótið klukkan 18:00. Mótið er skráð á Global Calendar og gilda því afrek mótsins sem lágmörk á stórmót. Því tilvalið að mæta á ÍR völlinn og reyna við lágmörk stórmóta sumarsins.
Vormót ÍR er fastur liður í keppnisdagskrá margs frjálsíþróttafólks en þetta er í 81. skipti sem mótið er haldið, en það var haldið í fyrsta skipir árið 1943 og hefur verið haldið nánast óslitið síðan þá.
Samhliða mótinu verður Kaldalshlaupið þreytt en það er 3.000 m hlaup á braut til minningar um afrek Jóns Kaldal. Þátttakendur í hlaupinu fá viðurkenningarskjal og sigurvegari hlýtur farandbikar til varðveislu fram að næsta hlaupi.
Skráningu á mótið lýkur í kvöld klukkan 22:00, en skráning og nánari upplýsingar er á netskraning.is.