Kolbeinn Höður Gunnarsson (FH) bætti Íslandsmetið í 60 metra hlaupi innanhúss á Nike mótaröðinni í Kaplakrika í gær. Kolbeinn átti flott undanúrslitahlaup og kom þá í mark á tímanum 6,81 sek. sem var þá aðeins einum hundraðasta úr sekúndu frá meti Einars Þórs Einarssonar. Í úrslita hlaupinu kom FH-ingurinn í mark á tímanum 6.68 sek. og bætti þar með 30 ára gamla metið um tólf hundruðustu úr sekúndu.
„Tilfinningin mín var ekki sú að ég væri að hlaupa hratt. Ég hef átt erfitt með að ná afslöppunina inn í endahraðann og þarna náði ég því svo sannarlega. Þetta er langt frá því að vera tipp topp og margt hægt að bæta þannig ég trúi því að það sé meira inni,“ sagði Kolbeinn eftir hlaupið.
Þess má geta að lágmarkið í 60m hlaupi á EM innanhúss sem fer fram í Istanbul í byrjun mars er 6.63 sek.
„Er maður ekki allltaf að stefna á stóru mótin?“ sagði Kolbeinn og stefnir hann á sínu öðru stórmóti á ferlinum en hann keppti í 400m hlaupi á EM innanhúss í Prag árið 2015. Framundan hjá honum er sterkt mót í Árósum í Danmerku í lok janúar og Meistaramót Íslands sem er 18.-19. febrúar.
Heildarúrslit mótsins má finna hér.