Frábær dagur á frjálsíþróttavellinum í Andorra la Vella núna í kvöld, þar sem keppt var til úrstlita í fjórum greinum og undariðlar í fjórum greinum. Okkar fólk stóð sig frábærlega og kom heim með tvö gull, eitt silfur og eitt brons auk mótsmets og persónlegra bætinga.
Ingibjörg Sigurðardóttir hljóp flott 400 m grindahlaup í undanriðlum og er örugg áfram í úrslitahlaupið sem fram fer á laugardaginn, en hún kom í mark á 60,57 sek.
Ívar Kristinn Jasonarson gerði sér lítið fyrir og var með besta tímann í undanriðlum 400 m grindahlaups karla þegar hann kom í mark á 52,45 sek og er því öruggur áfram í úrslitahlaupið á laugardaginn.
Þorleifur Einar Leifsson átti frábært langstökk þar sem öll hans gildu stökk voru vel yfir hans besta árangri, en hann stökk lengst í dag 7,26 sem er bæting utanhúss um hvorki meira né minna en 74 cm. Þetta stökk tryggði honum fyrsta sætið í keppninni og fyrstu gullverðlaun dagsins því í höfn.
Guðjón Dunbar D. Þorsteinsson náði sér ekki alveg á strik í langstökkinu í dag og endaði í 4. sæti með stökk upp á 6,60 m.
Eir Chang Hlésdóttir hljóp virkilega vel í undanriðlum 200 m hlaupsins og vann sinn riðil á 24,32 sek, og er með annan besta tímann inn í úrslit. Úrslitahlaupið fer fram á laugardaginn.
Kolbeinn Höður Gunnarsson hljóp í fyrri undanriðli 200 m hlaupsins og var annar í sínum riðli á 21,73 sek og er með fjórða besta tímann inn í úrslit. Úrslitahlaupið fer fram á laugardaginn.
Kristófer Þorgrímsson var í seinni riðlinum í 200 m hlaupinu og sigraði þann riðil þegar hann kom í mark á 21,63 sek. og er það annar besti tíminn inn í úrslit. Úrslitahlaupið fer fram á laugardaginn.
Erna Sóley Gunnarsdóttir nældi í önnur gullverðlaun kvöldsins þegar hún sigraði í kúluvarpi kvenna þar sem hún kastaði lengst 16,52 m. Þetta kast hennar Ernu Sóleyjar er einnig nýtt mótsmet, en eldra mótsmet var frá 2017 en þá kastaði Gavriella Fella frá Kýpur 15,81 m.
Íris Anna Skúladóttir hljóp 1500 m á 4:44,95 mín og endaði í 5. sæti og er þetta örlítið betri tími en í 1500 m hlaupinu sem hún hljóp á Smáþjóðaleikunum í Andorra árið 2005.
Daði Arnarson var þriðji í 1500 m hlaupi karla á tímanum 4:07,03 mín.
Birta María Haraldsdóttir varð önnur í hástökki kvenna en hún stökk 1,81 m.
Guðbjörg Jóna Bjarnadóttir hljóp í úrslitahlaupi 400 m hlaupsins og náði þar annarri persónulegri bætingu og fór í fyrsta sinn undir 55 sekúndur, en hún kom í mark á 54,99 sek og náði þriðja sætinu. Flott hjá henni Guðbjörgu.
Annar frábær dagur á vellinum í dag, getum verið stolt af okkar frjálsíþróttafólki. Það er ekki keppni á morgun heldur verður dagurinn nýttur í hvíld og æfingar eins og þarf og svo mætum við aftur á völlinn á laugardaginn í sannkallaðan úrslitadag.
Heildarúrslit dagsins má sjá hér.