Frjálsíþróttasamband Íslands (FRÍ) og TM standa fyrir skemmtilegu fjölskylduhlaupi í Reykjavík sunnudaginn 7. Júní í samstarfi við Sjómannadaginn, Faxaflóahafnir og Brim.
Viðburðurinn er ætlaður börnum og fjölskyldum þeirra þar sem hreyfing, gleði og samvera eru í forgrunni. Hlaupið fer fram á fallegri og fjölskylduvænni tæplega 2km hlaupaleið um Grandann og er þátttaka öllum að kostnaðarlausu.
Skráning og þátttaka
- Mikilvægt er að skrá börnin til þátttöku, en ekki þarf að skrá fullorðna sem hlaupa með þeim.
- Öll börn fá glaðning að hlaupi loknu.
- Hámarksfjöldi skráninga er 1200 börn og því hvetjum við fjölskyldur til að tryggja sér pláss sem fyrst!
- Forskráningu lýkur föstudaginn 5. Júní kl. 18:00 eða fyrr ef hámarksfjölda er náð.
Dagskrá
- Aðstaða fyrir hlaupið verður á geymslusvæði Brims.
- Upphitun hefst kl. 10:00 fyrir framan stóra sviðið hjá Brim þar sem Solla stirða og Íþróttaálfurinn mæta og hita upp með tónlist og fjöri!
- Hlaupið sjálft hefst kl. 10:15.
- Börn fá þátttökumedalíu, gjöf og íþróttanammi að hlaupi loknu
- Eftir hlaupið tekur við dagskrá Sjómannadagsins og verður mikið um að vera á svæðinu
Hlaupaleiðin
Hlaupið hefst við stóra sviðið á svæði Brims. Þaðan er hlaupið meðfram Grandabakka og Norðurgarði, áfram út Norðurslóð og meðfram sjónum.
Við endann á leiðinni er tekin U-beygja og hlaupið til baka eftir Eyjarslóð og Járnbraut, áður en komið er aftur inn á Grandabakka og hlaupið til baka að stóra sviðinu.
Leiðin er tæplega 2 km, eða um 1,99 km með vörðu, og er hugsuð sem létt og fjölskylduvæn leið fyrir börn og fullorðna sem hlaupa með þeim.
Hlaupanúmer og afhending
- Hlaupanúmer má sækja dagana fyrir hlaup, 1.–6. júní í H-verslun, Bíldshöfða 9
- Opnunartími verslunarinnar er frá 10:00-18:00 mánudaga til föstudaga og frá 11:00-16:00 á laugardögum.
- Þátttakendur fá 20% afslátt af Nike vörum gegn framvísun hlaupanúmers.
- Einnig verður hægt að sækja númer á hlaupadag, en við hvetjum fjölskyldur til að sækja númerin fyrir fram til að einfalda afhendingu.
- Athugið að aðeins börn þurfa hlaupanúmer þar sem fullorðnir sem hlaupa með þurfa ekki að skrá sig.
Athugið
Til að tryggja bestu upplifun fyrir alla er hámarksfjöldi skráninga 1.200 börn.
Við hvetjum því foreldra til að vera tímanlega í að skrá litlu hlauparana