Um helgina er einn af hápunktum utanhússtímabilsins þegar Bikarkeppni FRÍ fer fram á ÍR vellinum í Skógarseli. Þar mætast félög í liðakeppni þar sem hver grein skilar stigum og baráttan getur sveiflast hratt. Ein vel heppnuð tilraun, eitt frábært hlaup eða ein mistök geta breytt öllu. Í ár eru sex lið sem taka þátt; Ármann, Breiðablik, FH, Fjölnir, ÍR og B lið ÍR.
Dagskráin er þétt og spennandi, með sterkum einvígjum í mörgum greinum. Síðasta grein mótsins er 1000 m boðhlaup þar sem úrslitin getur ráðist.
Í fyrra stóðu FH uppi sem bikarmeistarar í heildarstigakeppninni ásamt því að verða bikarmeistarar kvenna. En það var Fjölnir/UMSS sem urðu bikarmeistarar karla.
Það verður skemmtileg og spennandi keppni í mörgum greinum en fjöldinn allur af landsliðsfólki mætir til leiks. Keppendalista, tímaseðil og úrslit má sjá hér
Laugardagurinn 11. júlí
– Bikarkeppnin hefst á stangarstökki kvenna 13:30. Þar á Hanna María Petersdóttir (Fjölni) besta árangurinn og hefur stokkið hæst allra í ár 3,30 m.
– Í 1500 metra hlaupi kvenna má búast við spennandi keppni en Embla Margrét Hreimsdóttir (FH) hefur hlaupið hraðast keppanda en Helga Lilja Maack (ÍR) er einnig á mikilli siglingu þessa dagana.
– Í langstökki karla á Þorleifur Einar Leifsson (Breiðablik) besta árangurinn í ár en Gylfi Ingvar Gylfason (FH) kemur þar skammt á eftir.
– í kúluvarpi karla er það Sigursteinn Ásgeirsson (ÍR) sem er sigurstranglegastur en hann hefur kastað lengst í ár. En hinn bráðefnilegi Benedikt Gunnar Jónsson (ÍR B) er líklegur til afreka.
– Þar næst er kringlukast kvenna þar sem landsliðskonan og Íslandsmethafinn Hera Christensen (FH) mætir til leiks og gerir atlögu að Íslandsmetinu.
– Í 1500 metra hlaupi karla verður spennandi keppni um titilinn en Hilmar Ingi Bernharðsson (ÍR) á besta tíma þátttakenda í ár. Fjölnir Brynjarsson (FH) á þó betri persónulegan árangur og því verður væntanlega hart barist.
– Það verður æsispennandi 100 metra hlaup kvenna þar sem Eir Chang Hlésdóttir (ÍR) og Christina Alba Marcus Hafliðadóttir (Fjölni) berjast um titilinn og Íslandsmetið gæti verið í hættu.
– Í 100 metra hlaupi karla mætir Kristófer Þorgrímsson (FH) til leiks en hann á hraðasta tíma ársins 10,70 sek. – Í 100 metra grindahlaupi kvenna mætir Íslandsmethafinn Júlía Kristín Jóhannesdóttir (Breiðablik) til leiks en hún hefur verið á mikilli siglingu í ár.
– Í 110 metra grindahlaupi karla er það Þorleifur Einar Leifsson (Breiðablik) sem á besta tíma keppanda í ár.
– Birna Kristín Kristjánsdóttir (FH) er að snúa til baka eftir meiðsli og verður spennandi að sjá hvað hún nær að stökkva langt í langstökki kvenna.
– Í kringlukasti karla er það Íslandsmethafinn Guðni Valur Guðnason (ÍR) sem hefur kastað lengst allra í ár, 62.48.
– Í 400 metra hlaupi kvenna má búast við jafnri keppni á milli Ísoldar Sævarsdóttur (FH) og Ingibjargar Sigurðardóttur (ÍR).
– Sömu sögu má segja um 400 metra hlaup karla þar sem sekúndubrot gætu skilið á milli keppanda.
– Kjartan Óli Bjarnason (Fjölni) á besta tíma keppanda í ár en hann hljóp á 47,44 fyrr í sumar sem var jafnframt Íslandsmet u20.
– Í hástökki karla má búast við spennandi keppni en Birnir Vagn Finnsson (FH) á besta persónulegan árangur keppanda.
– Í spjótkasti kvenna er það Arndís Diljá Óskarsdóttir (FH) sem er líkleg að verja bikarmeistaratitilinn en hún á lengsta kast ársins.
– Í 5000 metra hlaupi kvenna er það Íris Dóra Snorradóttir (FH) sem er líkleg að landa titlinum en hún á besta tíma þátttakenda í ár. Í 5000 metra hlaupi karla má búast við harðri keppni á milli Sindra Karls Sigurjónssonar (ÍR) og Stefáns Kára Smárasonar (FH) en þeir eiga 2. og 3. hraðasta tíma ársins í vegalengdinni.
13:30 Stangarstökk kvenna
14:00 1500 m kvenna
14:00 Langstökk karla
14:00 Kúluvarp karla
14:00 Kringlukast kvenna
14:15 1500 m karla
14:30 100 m kvenna
14:40 100 m karla
15:00 100 m grindahlaup kvenna
15:15 110 m grindahlaup karla
15:15 Langstökk kvenna
15:15 Kringlukast karla
15:30 400 m kvenna
15:30 Hástökk karla
15:40 400 m karla
15:55 5000 m kvenna
16:00 Kringlukast kvenna
16:15 5000 m karla
Sunnudagurinn 12. júlí
– Seinni dagurinn hefst á 400 metra grindahlaupi kvenna en þar á Ísold Sævarsdóttir (FH) besta árangurinn. – Í stangarstökki karla er það Magnús Elías Harvard (Ármanni) sem á bestan árangur keppenda í ár 4,72 m en það er jafnframt Íslandsmet u20.
– Í þrístökki kvenna mætir Íslandsmethafinn Irma Gunnarsdóttir (FH) til leiks.
– Íslandsmethafinn og Ólympíufarinn Erna Sóley Gunnarsdóttir (ÍR) keppir í kúluvarpi kvenna.
– Enn annar Íslandsmethafi mætir til leiks þegar Hilmar Örn Jónsson (FH) keppir í sleggjukasti karla.
– Í 400 metra grindahlaupi karla er það Ívar Kristinn Jasonarson (ÍR) sem á besta tímann í ár en Pétur Óli Ágústsson (Fjölni) hefur einnig verið á góðri siglingu og bætt sig mikið.
– Í 800 metra hlaupi kvenna er það Helga Lilja Maack (ÍR) sem á besta tíma keppanda í ár.
– Leó Örn Þórarinsson (FH) á bestan árangur keppenda í 800 metra hlaupi karla.
– Í 200 metra hlaupi kvenna er líklegust til sigurs Íslandsmethafinn Eir Chang Hlésdóttir (ÍR).
– Í 200 metra hlaupi karla má búast við harðri keppni en Kristófer Þorgrímsson (FH) er með besta tíma þátttakenda.
– Í sleggjukasti kvenna má búast við svakalegu einvígi en þær Guðrún Karítas Hallgrímsdóttir (ÍR) og Elísbet Rut Rúnarsdóttir (ÍR B) mæta til leiks. Þær hafa skipst á að slá Íslandsmetið síðustu misseri og hver veit nema metið falli enn og aftur á heimavelli þeirra.
– Í 3000 metra hindrunarhlaupi kvenna á Helga Guðný Elíasdóttir (ÍR) besta tíma þátttakenda.
– Guðjón Dunbar Diaquoi Þorsteinsson (Fjölni) er meðal þátttakenda í þrístökki karla en hann á bestan árangur þátttakenda og lengsta stökk ársins í ár 14,64 m.
– Í 3000 metra hindrunarhlaupi karla á Arnar Pétursson (Breiðablik) besta tíma þátttakenda.
– Helga Þóra Sigurjónsdóttir (FH) hefur stokkið hæst þátttakenda í ár í hástökki kvenna.
– Sindri Hrafn Guðmundsson (FH) er mættur til landsins og stefnir á að verja titilinn í spjótkasti karla en hann á bestan árangur í ár í greininni.
– Síðustu greinar mótsins eru svo 1000 metra boðhlaup karla og kvenna.
13:00 400 m grindahlaup kvenna
13:00 Stangarstökk karla
13:00 Þrístökk kvenna
13:00 Kúluvarp kvenna
13:00 Sleggjukast karla
13:15 400 m grindahlaup karla
13:30 800 m kvenna
13:40 800 m karla
14:00 200 m kvenna
14:10 200 m karla
14:15 Sleggjukast kvenna
14:30 3000 m hindrunarhlaup kvenna
14:30 Þrístökk karla
14:50 3000 m hindrunarhlaup karla
14:50 Hástökk kvenna
15:15 Spjótkast karla
15:30 1000 m boðhlaup kvenna
15:45 1000 m boðhlaup karla
Bikarkeppni FRÍ 15 ára og yngri
Bikarhelgin byrjar snemma á laugardaginn með Bikarkeppni 15 ára og yngri sem fer einnig fram á ÍR vellinum. Þar berjast sjö lið um bikarinn; Ármann, Breiðablik, FH, Fjölnir, HHF-HSK/Selfoss A, HHF-HSK/Selfoss B og ÍR. Þar er skemmtileg og spennandi keppni framundan og við hvetjum fólk að koma að fylgjast með þessu efnilega frjálsíþróttafólki.
Í fyrra var það ÍR sem sótti bikarmeistaratitilinn en ÍR sigraði bæði heildarstigakeppnina og piltakeppnina. HSK/Selfoss urðu bikarmeistarar í stúlknaflokki.
Keppendalista, tímaseðil og úrslit má sjá hér
Laugardagurinn 11. júlí
10:00 80 m grind stúlkna
10:00 Hástökk pilta
10:00 Kringlukast stúlkna
10:00 Spjótkast pilta
10:15 100 m grind pilta
10:15 Langstökk stúlkna
10:45 80 m pilta
10:45 Kúluvarp stúlkna
10:50 80 m stúlkna
11:00 Kringlukast pilta
11:15 300 m pilta
11:15 Hástökk stúlkna
11:15 Spjótkast stúlkna
11:25 300 m stúlkna
11:25 Langstökk pilta
11:40 1500 m pilta
11:45 Kúluvarp pilta
11:55 1500 m stúlkna
12:10 1000 m boðhlaup stúlkna
12:20 1000 m boðhlaup pilta