Baldvin Þór Magnússon, UFA, setti nýtt Íslandsmet í 10.000 m hlaupi á EM í Birmingham í kvöld, 28:25,67. Baldvin bætti sitt fyrra persónulega met, 28:57,17, um rúmar 31 sekúndu og endaði í 13. sæti.
Hlaupið fór rólega af stað en fljótlega teygðist á hópnum. Baldvin fylgdi sterkum hópi hlaupara vel eftir og átti glæsilegan endasprett sem tryggði honum 13. sætið. 21 keppendur luku hlaupinu.
Hann kom inn í mótið í 17. sæti á ranking-lista en lyfti sér upp um fjögur sæti með stórkostlegri frammistöðu á stærsta sviðinu.
Baldvin bætti tæplega fimm ára gamalt Íslandsmet Hlyns Andréssonar sem var 28:36,80.