100. Meistaramót Íslands í frjálsíþróttum fer fram á ÍR-vellinum í Skógarseli dagana 24.–26. júlí. Hér verður fylgst með gangi mála alla helgina og fréttin uppfærð jafnóðum með Íslandsmeisturum, helstu úrslitum, metum og öðrum tíðindum frá mótinu.
Hægt er að sjá ráslista, úrslit ofl hér
Hægt er að finna myndir af mótinu hér
FH eru Íslandsmeistarar 2026 með 79 stig!
Ír í öðru með 69 stig og Fjölnir í þriðja með 27 stig
Í karlaflokki var munaði litlu en það var ÍR sem hirti titil karla í boðhlaupinu með 32 stig, FH í öðru með 31 stig og Fjölnir í þriðja með 14 stig
Í kvennaflokki vann FH öruggan sigur 48 stig, Ír í öðru með 37 stig og Fjölnir í þriðja með 13 stig
Stigahæsta afrek karla vann Hilmar Örn Jónsson með 1169 stig í sleggjukasti
Stigahæsta afrek kvenna vann Júlía Kristín Jóhannesdóttir með 1108 stig í 100m grindarhlaupi
ÍSLANDSMET!! HERA CHRISTENSEN SETUR ÍSLANDSMET 56,76M !
Þriðju og síðasti dagur 100. Meistaramóts Íslands er hafinn. Spennandi dagskrá framundan í góða veðrinu í Skógarseli, en FH leiðir inn í daginn með 21 stiga forystu á ÍR í heildarstigakeppninni.
Öðrum keppnisdegi er nú lokið og er FH enn með örugga forystu með 57 stig, ÍR í öðru með 36 stig og Fjölnir í þriðja með 19 stig. Stig karla og kvenna er hægt að sjá neðar.
MÓTSMET!. Hilmar Örn setur mótsmet með kast upp á 77,82m í fjórða kasti. Hilmar stendur einnig uppi sem Íslandsmeistari í sleggjukasti
Annar keppnisdagur er að hefjast. Veðrið leikur við okkur í dag en það er heiðskýrt, lítill vindur og góð keppnisskilyrði.
Fyrri keppnisdegi er nú lokið og situr FH í efsta sæti með 16 stig, Fjölnir í öðru með 9 stig og ÍR í þriðja með 6 stig
Fyrsti keppnisdagur 100. Meistaramóts Íslands er hafinn á ÍR-vellinum í Skógarseli. Keppni hófst með stangarstökki kvenna og spjótkasti karla.
Veðrið leikur ekki við keppendur í upphafi móts, en nokkur rigning er á vellinum. Vindur er þó lítill og hitinn ágætur, eða um 15 gráður, sem ætti að skapa þokkalegar keppnisaðstæður þrátt fyrir bleytuna.
Sunnudagur 26. júlí
4x400m karla
Íslandsmeistari: Sveit ÍR
Karlakeppnin stendur nánast jöfn fyrir boðhlaupið en FH þarf að vinna ÍR til að vera öruggir með stigakeppnina.
FH tapaði keppninni á lokametrunum! En þeir höfðu forystuna fyrir síðasta hring eftir frábæran sprett Hjá Sinda Dan, Leo Örn tekur við keflinu og á sjálfur frábæran sprett og er við það að innsigla sigrinum þegar hann dettur rétt fyrir framan línuna og ÍR og Fjölnir taka framúr honum. Hann stóð hinsvegar upp og klárar í þriðja sætinu.
4x400m kvenna
Íslandsmeistari: Sveit ÍR
Eftir góða keppni þá endar kvenna sveit ÍR á að taka gullið í boðhlaupinu, FH í öðru og UFA í því þriðja.
Kúluvarp karla
Íslandsmeistari: Guðni Valur Guðnason, ÍR, 16,93m
Mótsmet: Hreinn Halldórsson KR, 20,88m. 1977
Guðni Valur sem var annar eftir þrjú köst, kemur sér í forystuna með fjórða kastið og er Íslandsmeistari í kúluvarpi karla. Sigursteinn annar með 16,52 og Benedikt gunnar með 14,37m
Kringlukast kvenna
Íslandsmeistari: Hera Christensen, FH 56,76m
Mótsmet: Guðrún Ingólfsdóttir, KR 53,56m. 1986
ÍSLANDSMET!!
HERA CHRISTENSEN SETUR ÍSLANDSMET 56,76M !
Með þessu 3ja kasti sínu kemur hún sér skrefi nær að komast á EM í birmingham
Þrístökk karla
Íslandsmeistari: Guðjón Dunbar Diaquoi, Fjölnir, 15,11 PB
Mótsmet: Vilhjálmur Einarsson, ÍR, 16,70m. 1960
Guðjón er Íslandsmeistari karla í þrístökki en hann stökk 5,11m. Annar var Ægir Örn með 13,69m og Þórarinn Bjarki þriðji með 13,19m
5000m karla
Íslandsmeistari: Davíð Freyr Magnússon, ÍR, 15:09,18
Mótsmet: Baldvin Þór Magnússon UFA, 13:56,91 mín, 2023
Baldvin velur að taka ekki þátt í keppni en hann hérar hlaupið en Davíð Freyr stefnir að hlaupa undir 15 mín múrinn. Eftir góða tilraun og hratt hlaup þá endar Davíð á 15:09,18 og er Íslandsmeistari karla í 5000m hlaupi, annar var Jökull og þriðji Sindri Karl
5000m kvenna
Íslandsmeistari: Íris Anna Skúladóttir, FH, 17:30,81 mín
Mótsmet: Martha Ernstsdóttir ÍR, 16:18,17 mín, 1999
Íris Annar er öruggur Íslandsmeistari í 5000m hlaup kvenna, en Helga Guðný var önnur á 18:53,84 mín og Fríða Rún á 19:17,52 mín.
200m karla
Íslandsmeistari: Kristófer Þorgrímsson
Eftir svakalegt hlaup í 200m karla! þá sjáum við nýtt aldursflokkamet hjá Gabríel Glóa en hann var þriðji á 21,73 s með 1,6 í vind!
Í fyrsta sæti var það Kristófer á 21,42s og annar var Kolbeinn höður á 21,52s. Svo Kristófer náði að hefna fyri 100m hlaupið í gær þegar Kolbeinn vann hann með 0.02 s!
200m kvenna
Íslandsmeistari: Christina Alba Marcus Hafliðadóttir, Fjölnir, 24,79s
Alba tekur öruggan Íslandsmeistaratitill í 200m hlaupi, en María Rún var á 25,40s í öðru sæti og Klara Sif í því þriðja á 26,18s
110m grind karla
Íslandsmeistari: Þorleifur Einar Leifsson Breiðablik, 14,61 s
Mótsmet: Jón Arnar Magnússon, UMSS, 14,10 s. 1998
Þorleifur Einar tekur Íslandsmeistaratitilinn Örugglega í 110m grind karla á SB tíma 14,61s, Ívar Kristinn annar á 15,56s og Jörundur Þór á PB tíma 16,50s
Kringlukast karla
Íslandsmeistari: Guðni Valur Guðnason, ÍR, 60,63m
Mótsmet: Guðni Valur Guðnason, ÍR, 64,43m. 2023
Guðni valur náði öruggu kasti í þriðju tilraun, upp á 60,63 metra sem var vel nóg til að tryggja honum íslandsmeistaratitilinn en Hjálmar Vilhelm var annar með 45,56m PB og þriðji SIgursteinn Ásgeirsson með 44,30m PB.
Stangarstökk karla
Íslandsmeistari: Karl Sören Theodórsson, Ármann, 4,75m PB
Mótsmet: Jón Arnar Magnússon, UMSS, 5,20m. 1998
Það er hörkuspennandi í stangarstökki karla en Karl Sören og Úlfar Jökull hafa farið yfir 4,65m sem er persónuleg bæting hjá þeim báðum!
Karl Sören setur besta árangur í stöng karla 2026 og persónulegt met 4,75!
100m grind kvenna
Íslandsmeistari: Júlía Kristín Jóhannesdóttir, Breiðablik, 13,31 s
Mótsmet: Guðrún Arnardóttir, Ármanni, 13,43 s. 1998
Júlía Kristín hefur daginn með ógildu mótsmeti í 100m grindarhlaupi kvenna, en vindurinn var +2,7 en fyrir löglegt mótsmet hefði vindur þurft að vera undir +2.0. Fyrra met átti Guðrún Arnardóttir, Ármanni, með tímanum 13,43 sek árið 1998. Júlía hleypur á 13,31 s og er þá Íslandsmeistari kvenna í 100m grindarhlaupi
Þrístökk kvenna
Íslandsmeistari: Irma Gunnarsdóttir FH, 13,02m
Mótsmet: Irma Gunnarsdóttir FH, 13,61m. 2024
Dagurinn hefst með þrístökki kvenna þar sem Irma Gunnarsdóttir leiðir eftir 2 umferðir með stökk upp á 12,75m. Eftir 6 umferðir er það Irma sem heldur sætinu og tekur Íslandsmeistaratitilinn með 13,02 sem hún náði í fjórða stökki. Önnur var Katrín Marey með 11,63m og Bryndís Lára með 11,19m í því þriðja
Laugardagur 25. júlí
4x100m boðhlaup karla
Íslandsmeistari: Sveit Fjölnir
Mótsmet: Sveit FH 41,15 sek. 2017
Fjölnir vinnur 4x100m hlaup karla! Eftir hörkuspennandi keppni þá stendur Fjölnir eftir sem sigurvegari, Ír í annað sæti, og A- sveit UFA í því þriðja.
FH, sem stillti upp sterkustu sveitinni, með þrjá hröðustu úr 100m úrslitunum, gerði ógilt á þriðju skiptingu og misstu keflið.
4x100m boðhlaup kvenna
Íslandsmeistari: Sveit FH
Sveit FH og Fjölnir fóru vel af stað fyrstu 100m , Ír fylgir hart á eftir. FH fékk keflið fyrst fyrir lokasprett og siglir sigrinum örugglega í höfn eftir frábært hlaup. ÍR-ingur Júlía Mekkin tók fram úr Fjölni á lokametranum fyrir annað sæti.
3000m hindrun kvenna
Íslandsmeistari: Íris Anna Skúladóttir, FH
Mótsmet: Andrea Kolbeinsdóttir, ÍR, 10:23,19 mín. 2023
Íris Anna Skúladóttir siglir heim Íslandsmeistaratitlinum á 11:01,05 mín og tæpri mínutu seinna á 12:06,99 kom Helga Guðný í mark og síðan kom Katrín Hulda þriðja í mark á 13:13,99 mín
3000m hindrun karla
Íslandsmeistari: Arnar Pétursson, Breiðablik, 9:30,37 mín
Mótsmet: Sveinn Margeirsson, UMSS, 9:05,85 mín. 1998
Arnar Pétursson var eini hlauparinn sem hóf keppni og lauk því hlaupinu sem Íslandsmeistari
Hástökk karla
Íslandsmeistari: Kristófer Snær Þorgeirsson, Ármann, 2,00m
Mótsmet: Einar Karl Hólm Hjartarson, ÍR, 2,17m. 1998
Kristófer Snær setur persónulega bætingu þegar hann vann hástökk karla með stökk upp á 2,00m. Annar var Jacques, einnig með persónulega bætingu með 1,88m. Þriðji var Hjálmar með 1,83m.
Langstökk kvenna
Íslandsmeistari: Birna Kristín Kristjánsdóttir, FH, 6,26m
Mótsmet: Hafdís Sigurðardóttir, UFA, 6,93m. 2014
Eftir þrjár umferðir er Birna Kristín með forystuna með stökk upp á 6,03m, Irma er önnur með 5,59m, María Rún þriðja með 5,55m
Birna Kristín stendur uppi sem Íslandsmeistari kvenna í langstökki með stökk upp á 6,26m, Irma Önnur með 5,69m, María Rún Gunnlaugsdóttir þriðja með 5,55m
Sleggjukast karla
Íslandsmeistari: Hilmar Örn Jónsson, FH, 77,82m
Mótsmet: Hilmar Örn Jónsson, FH, 73,84m. 2020
HILMAR ÖRN MEÐ MÓTSMET 77.82M
Hilmar Örn setur mótsmet með kast upp á 77,82m í fjórða kasti. Hilmar stendur einnig uppi sem Íslandsmeistari í sleggjukasti
Kúluvarp kvenna
Íslandsmeistari: Erna Sóley Gunnarsdóttir, ÍR, 15,83m
Mótsmet: Erna Sóley Gunnarsdóttir, ÍR, 17,91m. 2024
Erna Sóley er örugg í forystunni með 15.83m eftir þrjú köst, næst kemur Hera Christensen með 12.73m og María Rún Gunnlaugsdóttir þriðja með 12.24m
Erna Sóley er Íslandsmeistari í kúluvarpi kvenna með kast upp á 15,83 m, Hera önnur með 12,73m, og María Rún þriðja með 12,24m
800m karla
Íslandsmeistari: Leó Örn Þórarinsson, FH, 1;55,75 mín
Mótsmet: Björn Margeirsson, FH, 1:51,95 s. 2005
Leó keyrir vel af stað og leiðir fyrsta hring, síðan tekur Gestur og Daði framúr honum eftir 400m, en þegar um 150m eru eftir af hlaupinu tekur Leó frábæran lokasprett, tekur fram úr báðum og siglir heim Íslandsmeistaratitlinum
800m kvenna
Íslandsmeistari: Aníta Hinriksdóttir, FH, 2:09,28 mín
Mótsmet: Aníta Hinriksdóttir, ÍR, 2:05,38 mín. 2015
Aníta Hinriksdóttir er Íslandsmeistari í 800m hlaupi eftir örugga keppni á tímanum 2:09,28 mín. Ísold Sævarsdóttir varð önnur á 2:11,98 mín, og þriðja var Embla Margrét Hreimsdóttir á 2:14,00 mín.
100m úrslit karla
Íslandsmeistari: Kolbeinn Höður Gunnarsson, FH, 10,95 s
Mótsmet: Hilmar Þorbjörnsson, Ármanni, 10,3 s. 1957 & Vilmundur Vilhjálmsson, KR, 10,3 s. 1977
HNÍFJAFNT! Kolbeinn Höður rétt hefur Kristófer með 0.02 s. Kolbeinn Höður er Íslandsmeistari karla í 100m hlaupi á tímanum 10.95, Kristófer annar á 10.97, Elvar Karl þriðji á 11.26 (.2573). Gabríel Glói varð fjórði á hársbreidd en hann var á 11.26 (.2583) og munaði þá 0.001 á 3ja og fjórða sæti.
100m úrslit kvenna
Íslandsmeistari: Christina Alba Marcus Hafliðadóttir, Fjölnir, 11,83 s
100m hlaup kvenna fór beint í úrslit og var það Alba sem sigraði örugglega á 11.83 s, næst kom Lena Rún á 12.46 s og Júlía Mekkín á 12.52 s
Sleggjukast kvenna
Íslandsmeistari: Guðrún Karítas Hallgrímsdóttir, ÍR, 70,09m
Mótsmet: Guðrún Karítas Hallgrímsdóttir, ÍR, 71,38m. 2025
Eftir harða baráttu þá stendur Guðrún Karítas Hallgrímsdóttir uppi sem Íslandsmeistari í sleggjukasti kvenna með kast upp á 70.09m, Elísabet Rut Rúnarsdóttir í öðru með 67.75m og Birna Jóna Sverrisdóttir í því þriðja með 56.26m. Allar úr ÍR
Langstökk karla
Íslandsmeistari: Jacques R. S. Borges Schmitt, 6,61m
Mótsmet: Jón Arnar Magnússon UMSS, 7,64m 1995
Eftir þrjár tilraunir, er þetta staðan fyrir úrslit. Jacques stökk 6.60m, Gylfi stökk 6.52m, og Egill stökk 6.45. Það verður því spennandi keppni fyrir síðustu þrjú stökkin.
Jacques stendur uppi sem sigurvegari með stökk upp á 6.61 m, Gylfi annar og Egill þriðji.
Hástökk kvenna
Íslandsmeistari: Helga Þóra Sigurjónsdóttir, FH, 1,70m
Mótsmet: Þórdís Gísladóttir ÍR, 1,80m. 1982 & Helga Þóra Sigurjónsdóttir Fjölni, 1,80m 2024
Helga Þóra átti 1.83m fyrir keppni og gerði sér létt fyrir þegar hún sigraði hástökk kvenna með stökk upp á 1.70m. Hún fór yfir allar í fyrstu tilraun þangað til kom að 1.73, þá felldi hún í öllum þremur tilraunum. María Rún Gunnlaugsdóttir og Marsibil Þóra fóru einnig yfir 1.70 en María felldi einu sinni, og Marsibil felldi tvisvar yfir 1.70 sem gerir hana Helgu Þóru að Íslandsmeistara í hástökki.
400m grind karla
Íslandsmeistari: Ívar Kristinn Jasonarson, ÍR, 53,92 s
Mótsmet: Ívar Kristinn Jasonarson, ÍR, 52.15 s. 2018
Ívar Kristinn Jasonarson sigraði 400m grindarhlaup karla með yfirburðum en hann hljóp á 53.92 s, Pétur óli var annar á 57.25 s, og Mattías Derek var á 58.97 s
400m grind kvenna
Íslandsmeistari: Bryndís María Jónsdóttir, ÍR. 1:07,15 mín
Mótsmet: Guðrún Arnardóttir Ármanni, 57,50 s. 1998
Þær voru tvær sem hlupu 400m grindarhlaupi en það var hún Bryndís María sem sigraði á 1:07.16 mín.
100m undanrásir karla
Mótsmet: Hilmar Þorbjörnsson, Ármanni, 10,3 s. 1957 & Vilmundur Vilhjálmsson, KR, 10,3 s. 1977
Í fyrsta riðli var það Gabríel Glói sem sigrar á 11.51 s
Í öðrum riðli var það Kolbeinn Höður sem sigrar á 11.16 s
Í þriðja riðli var það Kristófer Þorgrímsson á 11.13 s
Úrslitahlaupið verður þá:
- Kristófer Þorgrímsson, FH – 11.13 s
- Kolbeinn Höður Gunnarsson, FH – 11.16 s
- Gabríel Glói Freysson, UFA – 11.51 s
- Elvar Karl Auðunsson, FH – 11.51 s
- Ingvar Elíasson, ÍR – 11.63 s
- Sveinbjörn Óli Svavarsson, Fjölnir – 11.67 s
- Marteinn Ragnar Gautason, Fjölnir – 11.69 s
- Pétur Helgi Einarsson, FH – 11.74
Þetta verður í fyrsta skipti síðan 2021 sem Kristófer og Kolbeinn mætast á Meistaramóti Íslands að berjast um Íslandsmeistaratitilinn. Í undanrásum munaði einungis 0.03 s á þeim svo það verður spennandi að fylgjast með þeim í úrslitum!
Föstudagur 24. júlí
Spjótkast kvenna
Íslandsmeistari:
Mótsmet: Ásdís Hjálmsdóttir Annerud, Ármanni, 60,56. 2012
Það er hörð keppni í spjótkastinu en Arndís Diljá og Bryndís Embla berjast um Íslandsmeistaratitilinn. Bryndís Embla var að lenda í 4. sæti á EM U18 og er að fara á HMu20.
Eftir þrjú köst þá er Arndís fremst með 48,39m, Bryndís Embla önnur með 44,14m.
Eftir að allir hafa lokið keppni með 6 köst þá er það Arndís Diljá sem er Íslandsmeistari kvenna með kast upp á 48,92, Bryndís Embla var önnur með kast uppá 45,08m, og sú þriðja var María Rún með 40,81m.
1500m karla
Íslandsmeistari: Gestur Daníelsson
Mótsmet: Baldvin Þór Magnússon, UFA, 3:50,87 mín. 2024
Baldvin Þór, sem á mótsmetið, keppti ekki svo sá sem átti besta tímann fyrir hlaup er Fjölnir Brynjarsson. Karlarnir fóru vel af stað og var samheldinn hópur fyrstu hringina. Það var ÍR-ingurinn Jökull sem leiddi hópinn en í lokinn var það Gestur Daníelsson sem tók frábæran lokasprett, tók sigurinn lang fyrstur á 3:59,54 mín. Annar var Sindri Karl á 4:03,56 mín BP, og þriðja sætið tók Jökull Bjarkason á 4:04,62 mín, einnig PB.
1500m kvenna
Íslandsmeistari: Embla Margrét Hreimsdóttir, FH
Mótsmet: Ragnheiður Ólafsdóttir, FH 4:26,53 mín. 1983
Hlaupið fór vel af stað en Embla Margrét, FH tók snemma góða forystu áður en hún sigldi íslandsmeistaratitlinum heim á 4:31,36 mín. Önnur var Helga Lilja, ÍR á 4:38,21 min. Þriðja var Íris Anna Skúladóttir, FH á tímanum 4:45,52 mín. Aníta Hinriksdóttir úr FH var skráð en keppti ekki
400m karla
Íslandsmeistari: Kjartan Óli Bjarnason
Mótsmet: Aðalsteinn Bernharðsson, UMSE 47,99 s. 1985
Fyrsti riðill af þremur hefur lokið hlaupi og var það Ívar Magnússon sem sigrar riðilinn á 51,76 s.
Í öðrum riðli var það Sigurður Ari sem tók fyrsta sætið, en hann hljóp á 50,86 s sem er frábær tími enda er hann 15 ára á árinu.
Í þriðja og síðasta riðli var það Kjartan Óli sem sigrar á tímanum 48,47 s, Tómas Orri tekur annað á 49,25 s og Gabríel Glói það þriðja á 49,92 s
400m kvenna
Íslandsmeistari: Eyrún Svala Gústavsdóttir, Breiðablik
Mótsmet: Arna Stefanía Guðmundsdóttir, FH, 53,91 s. 2016
Eyrún Svala Gústavsdóttir úr Breiðabliki varð Íslandsmeistari í 400 metra hlaupi kvenna. Eyrún, sem er aðeins 15 ára, hljóp á nýju persónulegu meti, 58,24 sekúndum, og er því í hópi yngstu Íslandsmeistara okkar. Klara Sif úr FH hafnaði í öðru sæti á 60,30 sekúndum og Sara Gunnlaugsdóttir varð þriðja á 61,42 sekúndum.
Stangarstökk kvenna
Íslandsmeistari: Hanna María Petersdóttir
Mótsmet: Þórey Edda Elísdóttir, FH, 4,30m. 2001
Hanna María, Fjölni endar upp sem sigurvegari í stangarstökki þegar hún fór yfir 3,30m. Hún átti góðar tilraunir yfir 3,50m en fór því miður ekki yfir. Katrín Tinna var önnur með stökk upp á 3,20 m og Eyrún Arna sú þriðja með 3,10m sem er PB
Spjótkast karla
Íslandsmeistari: Sindri Hrafn Guðmundsson, FH
Mótsmet: Einar Vilhjálmsson, ÍR, 84,66m. 1988
Sindri Hrafn vinnur spjótkastið með kast upp á 80.80m sem hann kastaði í annarri tilraun. Garðar Atli tekur annað sætið með kast upp á 65,09m, Bergur Sigurfinni sá þriðji með persónulega bætingu þar á eftir með kast upp á 55,73m. Mótsmet er 84.66m
Allir Íslandsmeistarar mótsins
| Karlar | Íslandsmeistari | Félag | Árangur |
|---|---|---|---|
| Spjótkast | Sindri Hrafn Guðmundsson | FH | 80,80 m |
| 400m | Kjartan Óli Bjarnason | Fjölnir | 48,47 s |
| 1500m | Gestur Daníelsson | FH | 3:59,54 mín PB |
| Langstökk | Jacques R. S. Borges Schmitt | Breiðablik | 6.61 m |
| 400m grind | Ívar Kristinn Jasonarson | ÍR | 53.92 s |
| 100m | Kolbeinn Höður Gunnarsson | FH | 10.95 s |
| 800m | Leó Örn Þórarinsson | FH | 1:55,75 mín |
| Sleggjukast | Hilmar Örn Jónsson | FH | 77,82 m mótsmet |
| Hástökk | Kristófer Snær Þorgeirsson | Ármann | 2,00 m |
| 3000m hindrun | Arnar Pétursson | Breiðablik | 9:30,37 m |
| 4x100m | Sveinbjörn, Marteinn, Pétur Óli, Kjartan Óli | Fjölnir | 42,81 s |
| 110m grind | Þorleifur Einar Þorleifsson | Breiðablik | 14,61 s |
| Stangarstökk | Karl Sören Theodórsson | Ármann | 4,75 m PB |
| Kringlukast | Guðni Valur Guðnason | ÍR | 60,63 m |
| 200m | Kristófer Þorgrímsson | FH | 21,42 m |
| Þrístökk | Guðjón Dunbar Diaquoi Þorsteinsson | Fjölnir | 15,11 m |
| Kúluvarp | Guðni Valur Guðnason | ÍR | 16,93 m |
| 5000m | Davíð Freyr Magnússon | ÍR | 15:09,18 mín |
| 4x400m | Sveit ÍR | 3:22,87 mín |
| Konur | Íslandsmeistari | Félag | Árangur |
|---|---|---|---|
| Stangarstökk | Hanna María Petersdóttir | Fjölnir | 3,30m |
| 400m | Eyrún Svala Gústavsdóttir | Breiðablik | 58,24 s PB |
| 1500m | Embla Margrét Hreimsdóttir | FH | 4:31,36 mín |
| Spjótkast | Arndís Diljá Óskarsdóttir | FH | 48,92 m |
| Hástökk | Helga Þóra Sigurjónsdóttir | FH | 1.70 m |
| 400m grind | Bryndís María Jónsdóttir | ÍR | 1:07.15 s |
| Sleggjukast | Guðrún Karítas Hallgrímsdóttir | ÍR | 70.09 m |
| 100m | Christina Alba Marcus Hafliðadóttir | Fjölnir | 11.83 s |
| Kúluvarp | Erna Sóley Gunnarsdóttir | ÍR | 15,83 m |
| 800m | Aníta Hinriksdóttir | FH | 2:09,28 mín |
| Langstökk | Birna Kristín Kristjánsdóttir | FH | 6,26 m |
| 3000m hindrun | Íris Anna Skúladóttir | FH | 11:01,05 mín |
| 4x100m | Irma, Lena, Ísold, Birna | Sveit FH | 47,71 s |
| Þrístökk | Irma Gunnarsdóttir | FH | 13,02 m |
| 100m grind | Júlía Kristín Jóhannesdóttir | Breiðablik | 13,31 s |
| 200m | Christina Alba Marcus Hafliðadóttir | Fjölnir | 24,79 m |
| 5000m | Íris Anna Skúladóttir | FH | 17:30,81 mín |
| Kringlukast | Hera Christensen | FH | 56,76 Íslandsmet |
| 4x400m | Sveit ÍR | 3:59,35 |
Stigastaðan
Stigastaðan eftir föstudag
| Heild | Stig |
|---|---|
| FH | 79 |
| ÍR | 69 |
| Fjölnir | 27 |
| Breiðablik | 20 |
| Ármann | 12 |
| HSK/Selfoss | 10 |
| UFA | 6 |
| Umf. Katla | 1 |
| UMSS | 0 |
| HSÞ | 0 |
| KFA | 0 |
| Karlar | Stig |
|---|---|
| ÍR | 32 |
| FH | 31 |
| Fjölnir | 14 |
| Breiðablik | 13 |
| Ármann | 11 |
| UFA | 5 |
| HSK/Selfoss | 4 |
| Umf. Katla | 1 |
| UMSS | 0 |
| HSÞ | 0 |
| Konur | Stig |
|---|---|
| FH | 48 |
| ÍR | 37 |
| Fjölnir | 13 |
| Breiðablik | 7 |
| HSK/Selfoss | 6 |
| UFA | 1 |
| Ármann | 1 |
| KFA | 0 |
Um mótið
Yfir 160 keppendur frá 14 félögum eru skráðir til leiks á 100. Meistaramóti Íslands. Keppt er í karla- og kvennaflokki, auk parafrjálsra, og meðal keppenda eru margir af fremstu frjálsíþróttamönnum landsins ásamt efnilegum keppendum yngri kynslóðarinnar.