Frjálsíþróttasamband Íslands tekur þátt í 10 ára afmælishátíð Íþróttaviku Evrópu. Núna á laugardaginn, 27. september, verður sannkölluð hreyfi- og fjölskylduhátíð í Elliðaárdal þar sem FRÍ verður á staðnum með krakkafrjálsar og skemmtilegar þrautir og æfingar fyrir börn og fjölskyldur að prófa. 🤸♀️🏃♂️
Markmið okkar er að kynna frjálsíþróttir sem fjölbreytta og skemmtilega hreyfingu fyrir alla aldurshópa.
✨ Á dagskrá hjá FRÍ
- Skemmtilegar krakkafrjálsar-stöðvar fyrir alla fjölskylduna
- Þrautir sem reyna á hraða, styrk, úthald og jafnvægi
- Leiðbeinendur frá FRÍ verða á staðnum til að hvetja og kenna
Auk Krakkafrjálsanna verður ýmislegt í boði á vegum ÍSÍ og geta gestir t.d. tekið þátt í 2 km afmælishlaupi/göngu sem hefst kl. 11:00, en áður verður upphitun, tónlist og ávörp. Að loknu hlaupinu tekur Leikhópurinn Lotta við og skemmtir öllum gestum.
👉 Skráning fer fram á www.beactive.is. Allir sem skrá sig fá senda þátttökuviðurkenningu.
Um Íþróttaviku Evrópu
Íþróttavika Evrópu (European Week of Sport) er haldin 23. – 30. september ár hvert. Markmið íþróttavikunnar er að kynna íþróttir og hreyfingu fyrir almenningi í Evrópu og er hún ætluð öllum óháð aldri, bakgrunni eða líkamlegu ástandi. Sérstök áhersla er lögð á að höfða til grasrótarinnar og að hvetja Evrópubúa til að sameinast undir slagorðinu #BeActive til þess að hreyfa sig oftar og meira í sínu daglega lífi.
Við hjá Frjálsíþróttasambandi Íslands hlökkum til að hitta sem flesta í Elliðaárdal og fagna íþróttum og hreyfingu með ykkur!