MÍ 11 – 14 ára
Um helgina fór MÍ 11-14 ára fram á Laugum. Það var lið HSK/Selfoss sem sigraði stigakeppni félagsliða af miklu öryggi með 719,5 stig. Lið ÍR var í örðu sæti með 606 stig og lið Breiðabliks í þriðja sæti með 550,5 stig. Eitt aldursflokkamet var slegið og sjö mótsmet. Hægt er að lesa nánar um það hér.
Myndir frá mótinu eru að finna á flickr síðu okkar.
Íslendingar keppa í útlöndum
Baldvin Þór Magnússon (UFA) keppti á BMC Gold Races í Watford, Englandi í vikunni og sigraði 1500m hlaupið á tímanum 3:42,47 mín. Úrslit mótsins má finna hér. Sama dag keppti hann á Watford Open þar sem hann sigraði í 800m hlaupi á tímanum 1:53,91 mín. Úrslit mótsins eru að finna hér.
Birta María Haraldsdóttir (FH) og Birna Kristín Kristjánsdóttir (Breiðablik) kepptu á Guldensporenmeeting í Kortrijk í Belgíu um helgina. Birta stökk 1,81 m. í hástökki og hafnaði í örðu sæti og Birna stökk 6,23 m. í langstökki og hafnaði í sjötta sæti. Úrslit mótsins eru að finna hér.
Myndir eftir Eddy Lippens:
Ingibjörg Sigurðardóttir (ÍR) keppti í 400m grindahlaupi og sigraði á Eyrarsundsleikunum í Helsingborg í Svíþjóð. Tími hennar var 59,48 sek. sem er persónuleg bæting. Úrslit mótsins eru að finna hér.
Sindri Hrafn Guðmundsson (FH) keppti í spjótkasti á American JavFest í Birmingham Alabama í vikunni. Þar lenti hann í öðru sæti með kast upp á 79,55 m. Úrslit mótsins má finna hér.
Framundan
Næstu helgi fer EM U18 fram í Banska Bystrica í Slóvakíu og eru þrír Íslenskir keppendur að taka þátt. Það eru þær Birna Jóna Sverrisdóttir (ÍR) en hún keppir í sleggjukasti, Eir Chang Hlésdóttir (ÍR) hún keppir í 400m hlaupi og Ísold Sævarsdóttir (FH) keppir í sjöþraut.
Næstu mót
| Dagsetning | Mót | Staðsetning |
|---|---|---|
| 16. júlí | Héraðsmót USAH utanhúss | Blönduósvöllur |
| 16. júlí | Sumarmót HSS | Íþróttavöllur Sævangi |
| 16-17. júlí | Unglingamót HSK | Selfossvöllur |
| 18-21. júlí | Evrópumeistaramót U18 | Banska Bystrica, Slóvakía |
| 27-28. júlí | MÍ í fjölþrautum, eldri aldursflokkum og 10.000m | Kaplakriki |