Íslandsmet í 1500m
Baldvin Þór Magnússon (UFA) bætti í vikunni eigið Íslandsmet í 1500m hlaupi á BMC Record Breaker í London. Hann hljóp á tímanum 3:39,90 mín. en fyrra met hans var 3:40,36 mín. Baldvin á samtals níu Íslandsmet.
Hægt er að lesa nánar um það hér.
MÍ þrennan
Meistaramót Íslands í fjölþrautum, í 10.000m og í eldri aldursflokkum fór fram í Kaplakrika um helgina. Hægt er að lesa nánar um það hér.
Erna í öðru sæti í Belgíu
Erna Sóley Gunnarsdóttir (ÍR) keppti á Meeting Voor Mon í Belgíu um helgina. Hún kastaði 17,50 m. og hafnaði í öðru sæti.
“Já ég er sátt með mótið. Það var frábært að komast að keppa aftur og stilla mig af fyrir Ólympíuleikana. Ég er mjög spennt fyrir þeim og ég veit að ég er í góðu formi til að kasta langt,” sagði Erna Sóley.
Framundan
Erna Sóley heldur til Parísar þann 3. ágúst og keppir í undanúrslitum í kúluvarpi á Ólympíuleikunum 8. ágúst.
Næstu mót
| Dagsetning | Mót | Staðsetning |
|---|---|---|
| 30. júlí | 30. júlí hlaupamót | ÍR völlur |
| 31. júlí | Júlí kastmót ÍR | ÍR völlur |
| 31. júlí | Adidas Boost hlaupið | Reykjavík |
| 1.-11. ágúst | Ólympíuleikarnir | París, Frakkland |
| 2-4. ágúst | Unglingalandsmót UMFÍ | Borgarnes |