Meistaramót Íslands í fjölþrautum og Meistaramót Íslands í eldri aldursflokkum fóru fram í Kaplakrika um helgina (14.–15. febrúar). Þar var mikið um að vera, fjölmargar greinar í gangi á sama tíma og fjöldi keppenda skilaði flottum árangri og persónulegum bætingum.
Á sama tíma var Ísland áberandi á erlendri grundu, þar sem Júlía Kristín Jóhannesdóttir setti nýtt Íslandsmet í 60 metra grindahlaupi, auk þess sem fleiri Íslendingar skiluðu sterkum úrslitum og bætingum víða um heim.
MÍ í fjölþraut
Meistaramót Íslands í fjölþrautum fór fram 14.–15. febrúar í Hafnarfirði. Í kvennaflokki var hörð barátta á toppnum þar sem Ísold Sævarsdóttir (FH) vann með 4106 stig (PB), en María Rún Gunnlaugsdóttir (ÍR) fylgdi á eftir með 4052 stig
U16 stúlkna (fimmþraut): Bryndís Lára Guðjónsdóttir (Breiðablik) sigraði með 2997 stig (PB).
U18 stúlkna (fimmþraut): Helga Fjóla Erlendsdóttir (Garpi) sigraði með 3273 stig (PB).
U16 pilta(fimmþraut): Tómas Ingi Kermen (ÍR) sigraði með 3206 stig (PB).
U18 pilta (sjöþraut): Garðar Atli Gestsson (UFA) sigraði með 3926 stig (PB).
U20 pilta (sjöþraut): Ibrahim Kobre (ÍR) sigraði með 2689 stig (PB).
Úrslit má sjá hér á Roster
MÍ í eldri aldursflokkum
Samhliða fjölþrautum fór fram Meistaramót Íslands í eldri aldursflokkum. Í heildarkeppni liða endaði FH efst með 332 stig, Ármann í 2. sæti með 282 stig, og UFA í 3. sæti með 92 stig
Úrslit má sjá hér á Roster
Íslandsmet: Júlía Kristín 8,25 í 60m grind í Bandaríkjunum
Stærstu tíðindi vikunnar komu frá Tyson Invitational í Fayetteville, Arkansas, þar sem Júlía Kristín Jóhannesdóttir hljóp á 8,25 sekúndum og hafnaði í 5. sæti í úrslitum, á nýju Íslandsmeti í 60m grind. Hægt er að lesa fréttina og sjá frá viðtali við hana hér
Íslendingar erlendis
Maraþon í Sevilla
Sigþóra Brynja Kristjánsdóttir, Anna Berglind Pálmadóttir og Rannveig Oddsdóttir kepptu í Zurich Maratón de Sevilla um helgina og skiluðu allar frábærum bætingum. Sigþóra Brynja kom í mark á 2:51:36, Anna Berglind á 2:51:53 og Rannveig á 2:53:56. Allt persónuleg met.
Bandaríkin: fjölþraut og köst
Á Pre-National í Virginia Beach vann Sara Kristín Lýðsdóttir fimmþrautina með 3294 stig (SB), og bætti sig meðal annars í 800m (PB 2:43,23).
Á Jarvis Scott Invitational í Lubbock kastaði Elísabet Rut Rúnarsdóttir 19,64 í weight throw (SB).
Á Howie Ryan Invitational í Houston hljóp Embla Margrét Hreimsdóttir míluna á 5:00,06 (SB).
Norðurlöndin: sigur og sterk úrslit
Á Bannister Winter Classic í Göteborg sigraði Guðbjörg Jóna Bjarnadóttir 400m á 56,67.
Á sama móti hljóp Aníta Hinriksdóttir 1500m á 4:17,28 (SB).
Á Raka Spåret í Sätra hljóp Daði Arnarson 800m á 1:56,63.
Á Adax Locked-In í Göteborg kastaði Guðni Valur Guðnason 17,30 í kúlu.