Meistaramót Íslands innanhúss 2026 fór fram í Laugardalshöll um helgina og var stemningin frábær frá fyrstu grein. Mikil spenna var í mörgum úrslitum, mörg persónuleg met litu dagsins ljós og stigakeppnin var hörð í bæði karla- og kvennaflokki.
Á sama tíma var íslenskt frjálsíþróttafólk á ferð og flugi erlendis, þar sem sérstaklega bar hæst var stórglæsilegt Íslandsmet Júlíu Kristínar Jóhannesdóttur í 60 m grindarhlaupi.
MÍ innanhúss 2026: Sterk helgi og FH efst í stigakeppni
Keppt var til úrslita í 11 greinum fyrri daginn og 13 greinum seinni daginn auk tveggja 4×200 m boðhlaupa. FH endaði efst í stigakeppni í bæði karla- og kvennaflokki:
- Stigakeppni karla: FH 21 stig, ÍR 18 stig, Fjölnir 11 stig
- Stigakeppni kvenna: FH 31 stig, ÍR 27 stig, Fjölnir 12 stig
Stigahæstu afrek mótsins komu einnig frá sigurvegurum í spretthlaupi og langstökki:
- Stigahæst í kvennaflokki: Birna Kristín Kristjánsdóttir – 1081 stig (sigur í langstökki með 6,38 m)
- Stigahæstur í karlaflokki: Daníel Ingi Egilsson – 1016 stig (sigur í 60 m á 6,85 sek)
Íslandsmet: Júlía Kristín hélt áfram að lækka metið
Júlía Kristín Jóhannesdóttir átti frábæran febrúarmánuð og endaði hann með stæl á The American Indoor Track & Field Championship í Birmingham (AL) þegar hún sigraði 60 m grind á 8,18 sek og setti þar með nýtt Íslandsmet.
Júlía hefur þá bætt 30 ára gamalt met Guðrúnar Arnardóttur þrisvar sinnum í febrúar og sýnir með því stöðugar framfarir og gæði í hverri keppni.
Erlendur árangur: sigur, persónuleg met og ársbesta víða
Íslendingar voru áberandi á mótum erlendis síðustu daga. Hér eru helstu atriði:
Sigursteinn Ásgeirsson
kúluvarp 16,68 m (PB) í Philadelphia (TCNJ Indoor Last Chance) og fyrr í vikunni sigur á móti með 16,28 m.
Elísabet Rut Rúnarsdóttir
sigur í lóðkasti með 20,62 m (SB) á Sun Belt í Birmingham.
Eva María Baldursdóttir
1,72 m í hástökki á ACC innanhúss í Bandaríkjunum (4. sæti).
Ingibjörg Sigurðardóttir
57,65 í 400 m á MAC innanhúss.
Arnar Logi Brynjarsson
ársbest í bæði 60 m (7,05) og 200 m (22,22) á írsku meistaramóti innanhúss.
Sara Kristín Lýðsdóttir
sigur í fimmtarþraut með 3448 stig (PB) og 1,56 í hástökki á Conference Carolinas.
Embla Margrét Hreimsdóttir
míluhlaup 4:58,78 (SB) í riðli á Southland innanhúss.
Erlingur Þór Tryggvason
hálfmaraþon 1:49:07 (PB) í Napoli.
Næst á dagskrá
Innanhústímabilið heldur áfram með Bikarkeppni FRÍ um næstu helgi, og miðað við það sem sást á MÍ er ljóst að fram undan er spennandi vor og sumar.
Sendið inn efni
Eigið þið myndir, úrslit eða fréttir sem eiga heima í vikuyfirlitinu? Sendið á kormakur@fri.is