VIKAN í frjálsíþróttum einkenndist af sterkum úrslitum bæði heima og erlendis. Á Nike móti FH í Kaplakrika hljóp Christina Alba Marcus Hafliðadóttir 60 m á 7,41 sekúndu, á meðan Hekla Magnúsdóttir sigraði í fimmtarþraut á móti í Bandaríkjunum.
Hægt er að sjá erlendan árangur hér
Nike mótaröð FH
Nike mót FH innanhúss fór fram í Kaplakrika fimmtudaginn 19. febrúar, og þar náðist fjöldi góðra úrslita.
Christina Alba nálgast Íslandsmet í 60 m hlaupi
Christina bætti fyrri árangur sinn um 0,03 sekúndur þegar hún hljóp á 7,41 sek og nálgast óðum Íslandsmetið í greininni (7,35 sek.), sem Guðbjörg Jóna Bjarnadóttir setti í Århus 25. janúar 2023. Afrek Christinu var jafnframt stigahæsta afrek Nike mótaraðarinnar með 1.081 stig, og hlaut hún verðlaun frá Nike fyrir þann árangur. Kristófer Þorgrímsson fékk verðlaun fyrir besta árangur í spretthlaupi karla.
Bætingar í hlaupum
Leó Örn sigraði 400 m á 49,90 sek. og bætti þar fyrri árangur sinn (50,48 sek.) en það er þriðji besti tími í 400 m á árinu en þann besta á Kjartan Óli Bjarnason en hann hljóp á 49,51 sek á RIG. Patrekur Ómar varð annar á 50,38 sek. og bætti einnig fyrri tíma sinn (50,45 sek.).
Í 1.500 m hlaupi sigraði Daníel Snær Eyþórsson á 4:06,93 mín. og bætti fyrri árangur sinn um rúmar 2 sekúndur.
Verðlaun fyrir stökk og köst
Í stökkgreinum urðu Birna Kristín Kristjánsdóttir og Þorsteinn Pétursson stigahæst fyrir árangur í langstökki og hlutu verðlaun frá Nike fyrir það. Í kúluvarpi hlutu Hera Christensen og Valdimar Erlendsson verðlaun fyrir besta árangur
Erlendur árangur
Hekla Magnúsdóttir (ÍR) keppti á Gulf South Conference Indoor T&F Championships í Birmingham, Alabama (19.–20. febrúar) og sigraði fimmtarþraut kvenna með 3675 stigum (PB).
Hún skilaði einnig góðum árangri í einstökum greinum:
- 60 m grind: 9.25 (riðill)
- hástökk: 1.50
- langstökk: 5.62
- kúluvarp: 12.45
- 800 m: 2:34.28 (PB)
- 60 m grind: 9.02 (SB)
- hástökk: 1.59 (SB)
Ingibjörg Sigurðardóttir (ÍR) hljóp 300 m á 41.28 (PB) á Brown Invitational í Providence (USA)
Daði Arnarson (Fjölnir) hljóp 1500 m á 3:59.43 (SB) á Turebergs Explosiva 4 í Sollentuna í Svíþjóð
Magnús Elías Harvard (Ármann) varð í öðru sæti í stangarstökki með 4.57 á VHSL Region 3D Championship í Salem, Virginia (USA)
Karen Sif Ársælsdóttir (Breiðablik) og Hanna María Petersdóttir (Fjölnir) kepptu í stangarstökki á MAIK indoor í Gautaborg í svíþjóð. Karen Sif stökk 3.32 á meðan Hanna María stökk 3.12
Hvað er framundan?
Nú styttist í Meistaramót Íslands, sem fram fer í Laugardalshöll 28. febrúar og 1. mars, og ljóst að margt af okkar fremsta íþróttafólki er að komast í gott form. Þá tekur við Bikarkeppni FRÍ helgina þar á eftir í Kaplakrika.
Sendið inn efni
Eigið þið myndir, úrslit eða fréttir sem eiga heima í vikuyfirlitinu? Sendið á kormakur@fri.is