Frjálsíþróttasamband Íslands hefur ákveðið að senda landslið á Evrópumeistaramótið í utanvegahlaupum 2026. Mótið fer fram í Kamink Slóveníu 5.-7. júní 2026.
Keppt verður í einni vegalengd, 52 km með ca. 2500 hæðarmetrum. Nánari upplýsingar um mótið má finna hér.
Val á landsliðinu er í höndum Langhlaupanefndar FRÍ.
Óskað er eftir umsóknum frá áhugasömum hlaupurum í gegnum þettta umsóknarform sem er að finna á vef FRÍ.
Áhugasamir hlauparar eru hvattir til að fylla út umsóknarformið en það verður opið frá og með deginum í dag, 18. desember, og til og með 15. janúar 2026.
Samhliða þessum viljum við líka vekja athygli á valreglum í landsliðið í götuhlaupum, víðavangshlaupum og utanvegahlaupum, en þær má sjá hér.
Auk valreglna sem finna má á heimasíðu FRÍ mun Langhlaupanefnd einnig horfa sérstaklega til árangurs í utanvegahlaupum á árinu sem er að líða ásamt árangri í ITRA National league á Íslandi 2025.
Ef það eru einhverjar spurningar varðandi þetta má endilega hafa samband við langhlaupanefnd FRÍ, langhlaupanefnd@fri.is.