Margir Íslendingar sóttu erlend mót í vikunni
Hilmar Örn Jónsson (FH) og Guðni Valur Guðnason (ÍR) kepptu á Kladno Hází a Kladenské Memoriály í Prag á miðvikudaginn síðasta. Hilmar hafnaði í fimmta sæti með kasti upp á 73,69 m. Sjá úrslit mótsins hér. Guðni hafnaði í fjórða sæti með kasti upp á 61,24 m. Sjá úrslit mótsins hér.
Auk þess kepptu þeir í Halle í Þýskalandi um helgina ásamt Dagbjarti Daða Jónssyni (ÍR). Þar kastaði Hilmar sleggjunni 71,93 m. og hafnaði í áttunda sæti. Guðni kastaði kringlunni 62,90 m. og hafnaði í 6. sæti en Dagbjartur kastaði spjótinu 72,91 m. og hafnaði í áttunda sæti. Sjá úrslit mótsins hér.
Dagbjartur Daði Jónsson (ÍR) keppti þann 24. maí í spjótkasti á 26th International Athletics Meeting í Þýskalandi og hafnaði í 8. sæti með kasti upp á 72,51 m. Sjá úrslit mótsins hér.
Hilmar keppti þann 26. maí á Hungarian Grand Prix Series, Budapest – WA Continental Tour Bronze og hafnaði í fimmta sæti með kasti upp á 69,18 m. Sjá úrslit mótsins hér.
Irma Gunnarsdóttir (FH), Baldvin Þór Magnússon (UFA) og Fjölnir Brynjarsson (FH) kepptu Á Trond Mohn Games í Bergen í Noregi í vikunni. Irma tók þátt í þrístökki og hafnaði í fimmta sæti með stökk upp á 13,00 m. Baldvin tók þátt í 3000m hlaupi og hafnaði einnig í fimmta sæti á tímanum 8,02,04 mín. Fjölnir keppti í 800m hlaupi og hafnaði í þriðja sæti í B riðli á tímanum 1,54,26 mín. sem er bæting hjá honum. Sjá úrslit mótsins hér.
Birta María Haraldsdóttir (FH) keppti á IFAM Outdoor Program í Brussel um helgina. Hún stökk 1,85 m. og hafnaði í þriðja sæti.
Aníta Hinriksdóttir (FH) keppti í 800m hlaupi í Leiden um helgina. Hún hljóp á tímanum 2:04,56 mín. og var þriðja í mark. Sjá úrslit mótsins hér.
NCAA East and West First Round
Guðrún Karítas Hallgrímsdóttir (ÍR) keppti á NCAA East First Round í Lexington Kentucky. Hún kastaði sleggjunni 69,60 m. og sigraði. Sjá úrslit mótsins hér. Elísabet Rut Rúnarsdóttir (ÍR) keppti á NCAA West First Round í Fayetteville Arkansas. Hún kastaði 67.58 m. og hafnaði í öðru sæti. Sjá úrslit mótsins hér. Þær hafa báðar unnið sér inn keppnisrétt á NCAA Division 1 sem verður þann 5. júní næstkomandi.
Vormót HSK
Vormót HSK fór fram dagana 22.-23. maí á Selfossi og voru um sjötíu keppendur skráðir á mótið. Hægt er að skoða úrslit mótsins hér.
Framundan
Evrópumeistaramótið í utanvegahlaupum fer fram helgina 31. maí-2. júní. Brautin er 58km með 3500 m. hækkun. Hlaupið verður í Frakklandi og byrjar 06:45 að staðartíma. Til leiks eru skráðir 85 karlar frá 25 þjóðum og 61 kona frá 22 þjóðum. Heimasíðu mótsins er að finna hér.
Ísland sendir 8 manna lið út og í liðinu eru:
- Þorsteinn Roy Jóhannsson (FH)
- Sigurjón Ernir Sturluson (FH)
- Halldór Hermann Jónsson (UFA)
- Þorbergur Ingi Jónsson (UFA)
- Andrea Kolbeinsdóttir (ÍR)
- Íris Anna Skúladóttir (FH)
- Halldóra Huld Ingvarsdóttir (FH)
- Sigþóra Brynja Kristjánsdóttir (UFA)
Næstu mót
| Dagseting | Mót | Staður |
|---|---|---|
| 28. maí | RUB 23 hindrunarhlaupamót UFA | Þórsvöllur |
| 29. maí | Vormót ÍR | ÍR völlur |
| 30. maí | Lífssporið | Reykjavík |
| 31. maí-2. júní | EM í utanvegahlaupum | Annecy, Frakkland |
| 4. júní | Vormót Fjölnis | ÍR völlur |