Aðventumót Ármanns
Aðventumót Ármanns fór fram um helgina og heppnaðist ofsalega vel og var metþáttaka á mótinu. Það var alveg sérstaklega góð þátttaka og góð stemming á þrautabrautarmótinu sem fram fór á sunnudeginum og var fyrir krakka í 1.-4. bekk.
Árangurinn lét heldur ekki á sér standa á laugardeginum þegar eldri frjálsíþróttaiðkendur kepptu í sínum greinum. Benedikt Gunnar Jónsson (ÍR) setti aldursflokkamet í kúluvarpi með 5 kg kúlu í flokki 15 ára pilta, þegar hann kastaði 15,96 metra. Eir Chang Hlésdóttir var með stigahæsta afrek mótsins, en hún hlaut 1048 stig fyrir að hlaupa 200 metrana á 24,38 sekúndum. Það er gaman að geta þess að þetta er stigahæsta afrekið til þessa á Aðmentumóti Ármanns.
Myndir frá Aðventumóti Ármanns má sjá hér.
Hvað er framundan?
Ýmsir jóla-og áramótaviðburðir framundan næstu dagana.
Á morgun, miðvikudaginn 16. desember, eru bæði ÍR og FH með jólamót. Jólamót ÍR fer fram í Laugardaglshöllinni klukkan 18:00-19:00 og verður þar keppt í kúluvarpi í ýmsum aldursflokkum, sjá nánar hér. Jólamót FH fer fram í Kaplakrika klukkan 16:00-18:00 og verður keppt í ýmsum greinum í flokkum 10-15 ára, sjá nánar hér.
Á fimmtdaginn, 19. desember, fer Hleðslumót UFA fram í Boganum klukkan 18:00-19:00 og verður þar keppt í 60 m hlaupi og kúluvarpi, sjá nánar hér.
Mánudaginn 30. desember fer Áramót Fjölnis fram í Laugardalshöllinni kl. 16:50-20:00 og verður þar keppt í fjölda greina, sjá nánar hér.
Svo er það hið rótgróna Gamlárshlaup ÍR sem fram fer á gamlársdag, 31. desember nk. Það getur verið skemmtilegt og hressandi að enda árið með stæl og hlaupa 10 km í góðum félagsskap. Sjá nánar um hlaupið hér.