Nú styttist í víðavangstímabilið og hefst fyrsta hlaupið á laugardag, 1. október. Víðavangshlauparöð Fætur toga og Framfara. Hlaupin eru þrjú og með sama sniði og undanfarin ár, hefjast kl. 10:00 á laugardagsmorgnum í október. Um tvær vegalengdir er að ræða, „stutt“ og „langt“ hlaup, og hefst styttra hlaupið á undan. Stutta hlaupið er yfirleitt um 1km en það lengra 6-7 km. Vegalengdirnar eru settar upp með það fyrir augum að höfða til sem flestra, bæði millivegalengda- og langhlaupara og hlaupara á öllum aldri á öllum getustigum.
Keppnisgjald fyrir hvert hlaup er 500 kr. Hægt verður að skrá sig í alla hlauparöðina í einu og áætla greiðslu (með millifærslu) út frá því, skráning fer fram hér.
Stigakeppni er í flokkum karla og kvenna, og drengja og stúlkna 16 ára og yngri. Þáttakendur mega og eru hvattir til að taka þátt í báðum hlaupum á sama degi. Bæði hlaup á gefnum degi gilda til stiga einstaklings í stigakeppninni.Nánari upplýsingar veitir Burkni Helgason, burknih@gmail.com, s. 660-0078
Eftirfarandi eru dagsetningar og staðsetningar víðavangshlaupa haustið 2022:
| Dagsetningar | Hlaup | Staðsetning |
|---|---|---|
| 1. október | Víðavangshlauparöð Fætur toga og Framfara | Frisbígolfvellinum í fossvogi |
| 8. október | Víðavangshlauparöð Fætur toga og Framfara | Við Borgarspítalann í Reykjavík |
| 15. október | MÍ í Víðavangshlaupum | Við tjaldsvæðið í Laugardal |
| 29. október | Víðavangshlauparöð Fætur toga og Framfara | Við ræktunarstöð Reykjavíkur í Fossvogi |
| 6. nóvember | Norðurlandameistaramótið | Bergen, Noregur |
| 11. desember | Evrópumeistaramótið | Turin, Ítalía |