Næstkomandi sunnudag, 10. nóvember, fer Norðurlandameistaramótið í víðavangshlaupum fram í Vantaa í Finnlandi.
Í ár þá eiga Íslendingar sex keppendur; þrjá í karlaflokki, tvo í kvennaflokki og einn í U20 í kvennaflokki.
| Nafn | Vegalengd | Rástími, að íslenskum tíma |
| Baldvin Magnússon (UFA) | 7,5 km | 09:15 |
| Arnar Pétursson (Breiðablik) | 7,5 km | 09:15 |
| Stefán Kári Smárason (Breiðablik) | 7,5 km | 09:15 |
| Sigþóra Brynja Kristjánsdóttir (UFA) | 7,5 km | 08:45 |
| Íris Dóra Snorradóttir (FH) | 7,5 km | 08:45 |
| Helga Lilja Maack (ÍR) | 4,5 km | 08:00 |
Fararstjóri: Burkni Helgason
Tímasetning mótsins í byrjun nóvember veldur því að margir af bestu hlaupurum Norðurlanda gefa ekki kost á sér, ýmist því skammt er liðið á undirbúningstímabilið fyrir þá hlaupara sem stíla inn á keppni á braut og því það passar oft ekki inn í maraþonverkefni síðla árs. Engu að síður er hlaupið alltaf mjög sterkt og okkar fólk á ærið verkefni fyrir höndum. Í víðavangshlaupum er um að ræða bæði einstaklings- og sveitakeppni, Íslendingar ná að þessu sinni í fulla sveit í karlaflokki í fyrsta sinn á erlendri grundu.
Heimasíðu hlaupsins er að finna hér og þar verður hægt að fylgjast með hlaupinu og úrslitum þess.