Langhlaupanefnd FRÍ hefur valið hlaupara sem munu skipa landslið Íslands á heimsmeistaramótinu í utanvegahlaupum sem fer fram í Canfranc á Spáni næsta haust, 25.-28. september.
Keppt verður í tveimur vegalengdum, annars vegar „short trail“ sem er 45 km hlaup með 3600 m hækkun og hins vegar „long trail“ sem er 82 km hlaup með 5400 m hækkun.
„Það er óhætt að segja að áhugi á þessu landsliðsverkefni FRÍ hafi verið gífurlegur og ánægjulegt að sjá hversu mikill vöxtur hefur átt sér stað undanfarin ár í utanvegahlaupum á Íslandi. Það eru svona verkefni, þ.e. þátttaka Íslands á HM sem og EM í utanvegahlaupum, sem ýta íslenskum hlaupurum áfram og hærra í þessari íþrótt“, segir Friðleifur Friðleifsson formaður langhlaupanefndar FRÍ.
Landsliðið 2025 er skipað okkar sterkustu utanvegahlauprum og er góð blanda af reynslumiklum hlaupurum og nýliðum í landsliðsverkefnum. Nánari upplýsingar um mótið í Canfranc má finna á heimasíðu þess. Þar er hægt að skoða hlaupaleiðir, hæðarprófíla og margt fleira.
Áfram Ísland!
Eftirtaldir hlauparar skipa landslið Íslands í utanvegahlaupum 2025:
Karlar
Long trail
- Sigurjón Ernir Sturluson (FH)
- Þorbergur Ingi Jónsson (UFA)
Short trail
- Grétar Örn Guðmundsson (KR)
- Halldór Hermann Jónsson (UFA)
- Þorsteinn Roy Jóhannsson (FH)
Til vara
- Guðlaugur Ari Jónsson (UFA)
- Snorri Björnsson (FH)
Konur
Long trail
- Andrea Kolbeinsdóttir (ÍR)
- Guðfinna Björnsdóttir (UFA)
Short trail
- Anna Berglind Pálmadóttir (UFA)
- Elín Edda Sigurðardóttir (ÍR)
- Íris Anna Skúladóttir (FH)
Til vara
- Halldóra Huld Ingvarsdóttir (FH)
- Steinunn Lilja Pétursdóttir (Breiðablik)
Liðsstjóri: Friðleifur Friðleifsson, formaður Langhlaupanefndar FRÍ.
Til aðstoðar: Sigurgísli Gíslason.