Núna rétt í þessu var lið ÍR að tryggja sér bikarmeistaratitilinn í flokki 15 ára og yngri en lið ÍR hlaut 108,5 stig. Í öðru sæti var lið FH með 93 stig og lið Breiðabliks endaði í þriðja sæti með 87 stig.
ÍR-ingar sigruðu stigakeppni pilta og hlutu þar 63 stig og það var lið HSK/Selfoss sem sigraði stigakeppni stúlkna með 59 stig.
Glæsilegur árangur hjá þessum liðum og óskum við þeim innilega til hamingju með árangur sinn í dag.
Það féllu fimm mótsmet á mótinu í dag.
- Sigurður Orri Arason (ÍR) bætti mótsmetið í 80 m hlaupi pilta og 300 m hlaupi pilta.
- Elísabet Rós Ólafardóttir (HSÞ/UMSS) bætti mótsmetið í 80 m hlaupi stúlkna.
- Eyrún Svala Gustavsdóttir (Breiðablik) bætti mótsmetið í 300 m hlaupi stúlkna.
- Anna Metta Óskarsdóttir (HSK/Selfoss) bætti mótsmetið í langstökki stúlkna.
Óskum öllum keppendum til hamingju með sinn flotta árangur, framtíðin greinilega björt í frjálsum.
Heildarúrslit mótsins má sjá hér.