Fyrsta Meistaramót Íslands í götumílu fer fram í kvöld, þriðjudaginn 28. apríl, samhliða VECCT Mílunni á Kvartmílubrautinni í Hafnarfirði.
Götumílan er 1.609 metrar og er ein af viðurkenndum vegalengdum götuhlaupa. Með mótinu verður í fyrsta sinn keppt um Íslandsmeistaratitla í götumílu hér á landi og því um sögulegan viðburð að ræða fyrir íslenskt hlaupafólk.
Keppnin hefst klukkan 19:00 með opnum flokki þar sem þátttakendur fá vottaðan tíma í götumílu. Að því loknu fara fram elítuhlaup kvenna og karla þar sem keppt verður um Íslandsmeistaratitla í greininni.
Brautin er staðsett á Kvartmílubrautinni í Hafnarfirði og er sérlega hentug fyrir hraðhlaup, þar sem hún er flöt, malbikuð og býður upp á góðar aðstæður fyrir keppendur.
Það verður því spennandi hlaupakvöld í Hafnarfirði þar sem bæði almennir hlauparar og fremsta hlaupafólk landsins fá tækifæri til að taka þátt í nýjum kafla í sögu íslenskra götuhlaupa.
Nánari upplýsingar um hlaupið, rástíma og þátttakendur má finna á vef mótsins hér.