Þá er komið að fyrsta meistaramóti sumarsins en það er Meistaramót Íslands 11-14 ára sem fram fer á ÍR vellinum í Breiðholti núna um helgina, 14.-15. júní.
Fjöldi ungs og efnilegs frjálsíþróttafólks af öllu landinu er skráð til keppni um helgina og má búast við miklu fjöri á ÍR vellinum.
Í fyrrasumar var það lið HSK/SELFOSS sem sigraði stigakeppni félagsliða á MÍ 11-14 ára sem fram fór á Laugavelli á Laugum, það verður spennandi að sjá hvaða lið tekur bikarinn núna um helgina.
Um að gera að fjölmenna í Breiðholtið um helgina og hvetja okkar unga og efnilega frjálsíþróttafólk áfram.
Keppendalista má sjá inn á mótaforritinu ÞÓR og þar munu úrslit mótsins einnig birtast.