Eins og venjan er þá byrjar frjálsíþróttaárið með trompi og er janúarmánuður stútfullur af mótum fyrir alla aldursflokka.
Þriðjudaginn 7. janúar fer 1. Nike mót FH fram í Kaplakrika klukkan 18:30-20:00.
Helgina 11.-12. janúar er komið að fyrstu meistaramótum tímabilsins, en þá fara fram Meistaramót Íslands í fjölþrautum og Meistaramót Íslands í eldri aldursflokkum. Mótin fara bæði fram í Laugardalshöllinni, MÍ í þraut klukkan 09:00-14:00 og MÍ í masters klukkan 10:00-16:00.
Helgina 18.-19. janúar fer Stórmót ÍR fram í Laugardalshöllinni klukkan 09:00-18:00.
Laugardaginn 25. janúar verður frjálsíþróttaráð HSK með tvö mót í Lindexhöllinni á Selfossi. Annarsvegar er það Aldursflokkamót HSK klukkan 09:30-15:00 og hins vegar Unglingamót HSK klukkan 14:30-18:00.
Svo endar janúar með engu öðru en RIG, Reykjavík International Games, í Laugardalshöllinni. En að þessu sinni verður frjálsíþróttahluti RIG á mánudagskvöldinu 27. janúar klukkan 19:30-21:10.