Laugardaginn 2. nóvember nk. fer fram hið skemmtilega frjálsíþróttamót Gaflarinn í frjálsíþróttahöllinni í Kaplakrika. Nafn mótsins kemur frá orðinu Gaflari sem er samheiti orðsins Hafnfirðingur, en þau mega kalla sig Gaflara sem eru fædd og uppalin í Hafnarfirði. Í dag er hinsvegar nóg að vera uppalinn í Hafnarfirði til þess að teljast Gaflari, þar sem það er ekki lengur spítali í Hafnarfirðinum sem getur tekið á móti börnum.
Þegar mótið var haldið í fyrsta sinn þá var það að sumri til og var hluti af undirbúningi fyrir Gautaborgarleikana. Það mót féll niður en var svo endurvakið fyrir nokkrum árum og nú er mótið haldið á hverju hausti og er ætlað krökkum 15 ára og yngri. Á mótinu keppa allir í greinum en í ár eru þær:
| Aldursflokkar | Keppnisgreinar |
| 6-7 ára stúlkur og piltar | 60m, langstökk, 200m |
| 8-9 ára stúlkur og piltar | 60m, langstökk, 400m |
| 10 ára stúlkur og piltar | 60m, langstökk, 400m |
| 11 ára stúlkur og piltar | 60m, langstökk, 400m |
| 12 ára stúlkur og piltar | 60m, langstökk, 400m |
| 13 ára stúlkur og piltar | 60m, langstökk, kúluvarp, 300m |
| 14 ára stúlkur og piltar | 60m, langstökk, kúluvarp, 300m |
| 15 ára stúlkur og piltar | 60m, langstökk, kúluvarp, 300m |
Skráning fer fram hér og er skráningarfrestur til miðnættis miðvikudaginn 30. október nk.
Nánari upplýsingar um Gaflarann er að finna hér..