Meistaramót Íslands í maraþoni fer fram laugardaginn 23. ágúst 2025 og er haldið samhliða Reykjavíkurmaraþoni Íslandsbanka og er eitt af meistaramótum Frjálsíþróttasambands Íslands í götuhlaupum.
Keppnin fer fram í vottuðum keppnishluta Reykjavíkurmaraþonsins, og eru öll sem ætla sér að keppa um titla og löglegan árangur hvött til að skrá sig sérstaklega í þann hluta. Aðeins árangur úr keppnishlutanum gildir til viðurkenningar hjá FRÍ og skráningu í afrekaskrá.
Keppnin er opin öllum og keppt verður um Íslandsmeistaratitla í eftirfarandi aldursflokkum:
- 18–19 ára stúlkur og piltar
- 20–22 ára stúlkur og piltar
- 23–39 ára konur og karlar
- 40–44 ára konur og karlar
- 45–49 ára konur og karlar
- 50–54 ára konur og karlar
- 55–59 ára konur og karlar
- 60–64 ára konur og karlar
- 65–69 ára konur og karlar
- 70-74 ára konur og karlar
- 75-79 ára konur og karlar
- 80-84 ára konur og karlar
Athugið að hlauparar sem þegar hafa skráð sig í almennan hluta hlaupsins geta breytt skráningu yfir í keppnishlutann á „Mínum síðum“ á heimasíðu Reykjavíkurmaraþons.