Andrea og Baldvin með Íslandsmet

Penni

< 1

min lestur

Fólk í frétt

Deila

Andrea og Baldvin með Íslandsmet

Andrea Kolbeinsdóttir (ÍR) stórbætti í dag 29 ára gamalt með í 5000m hlaupi innanhúss á Góumóti Gaflarans í Kaplakrika. Andrea kom í mark á tímanum 16:46,18 mín. en fyrra metið var 17,25,35 mín. sem Fríða Rún Þórðardóttir setti árið 1994. Andrea náði þessum stórkostlega árangri aðeins þremur tímum eftir að hafa náð Íslandsmeistaratitli í gönguskíðum.

Um helgina fór fram Raleigh Relays í Norður-Karólínu. Baldvin Þór Magnússon (UFA) bætti þar eigið Íslandsmet í 1500 metra hlaupi. Hann kom þriðji í mark á tímanum 3:40,36 en fyrra met hans var 3:40,74 sem hann setti árið 2021.

Hann var einnig á meðal keppenda í 10.000m hlaupi þar sem hann reyndi við Íslandsmet Hlyns Andréssonar sem er 28:36,80 mín. sem hann setti árið 2021. Baldvin kom fjórtandi í mark á tímanum 28:57,17 mín. sem er stórbæting á hans besta árangri en hann átti áður 30:14,23 mín.

Penni

< 1

min lestur

Fólk í frétt

Deila

Andrea og Baldvin með Íslandsmet

Skrifstofa

Engjavegur 6, 104 Reykjavík

Netfang

fri@fri.is

Sími

+354 514 4040

Dæmi um leit