Það var nóg um að vera í íslenskum frjálsíþróttum í vikunni. Andrea Kolbeinsdóttir og Hlynur Andrésson náðu bæði frábærum árangri í langhlaupum erlendis, bikarhelgi FRÍ fór fram í Kaplakrika og íslenskir keppendur létu einnig vel að sér kveða á mótum utan landsteinanna.
Andrea vinnur í Ástralíu og Hlynur bætir eigið Íslandsmet
Andrea Kolbeinsdóttir sigraði í móti í Golden Trail World Series í Ástralíu um helgina og bætti brautarmetið í rúmlega 20 kílómetra hlaupi um meira en tíu mínútur. Með sigrinum tryggði hún sér einnig gylltan farseðil á úrslitamót Golden Trail sem fram fer í Suður-Kóreu. Andrea hefur verið búsett í Ástralíu í vetur og virðist vera komin á mjög gott skrið á ný eftir erfitt síðasta ár. Í viðtali við Vísi kom fram að hún hefði fundið gleðina aftur í keppninni, sem hún sagði vera stærsta sigurinn samhliða þessum glæsilega árangri.
Hlynur Andrésson átti einnig stórkostlega helgi þegar hann setti nýtt Íslandsmet í hálfmaraþoni. Hlynur hljóp á 1:02:30, sem er jafnframt persónuleg bæting, og bætti þar með eigið Íslandsmet enn frekar. Hann hefur átt afar sterka byrjun á árinu og næst á dagskrá er Hannover maraþonið í apríl. Hægt er að lesa frétt um Íslandsmet Hlyns hér
FH og ÍR fögnuðu sigrum í Bikarkeppni FRÍ
Bikarkeppni FRÍ fór fram í Kaplakrika laugardaginn 8. mars þar sem FH stóð uppi sem bikarmeistari eftir sigur í karla-, kvenna- og heildarkeppni.
Daginn eftir fór Bikarkeppni FRÍ 15 ára og yngri fram á sama stað, þar sem ÍR stóð uppi sem sigurvegari í heildarkeppninni eftir harða og jafna baráttu.
Nánar má lesa um bikarhelgina hér:
[Setja link á frétt um Bikarkeppni FRÍ]
Erlendur árangur: persónuleg met og ársbest víða
Íslendingar náðu einnig góðum árangri á mótum erlendis síðustu daga. Hér eru helstu atriði:
Viktor Orri Fríðuson
PB í 400 m á 53,79 og PB í 800 m á 2:10,46 á DMU Inde í Skive.
Arnar Már Arnarsson
PB í 800 m á 2:09,87 og PB í 1500 m á 4:24,52 á DMU Inde í Skive.
Sigursteinn Ásgeirsson
SB í kúluvarpi með 16,28 m og SB í kringlukasti með 42,02 m á UNCW Seahawk Invitational. Jafnaði einnig PB í kúluvarpi með 16,68 m í Philadelphia.
Sara Kristín Lýðsdóttir
PB í 200 m á 26,47, SB í langstökki og SB í spjótkasti á UNCW Seahawk Invitational.
Daði Arnarson
sigur í 800 m á 1:55,25 (SB) í Sollentuna.
Magnús Elías Harvard
2. sæti í stangarstökki með 4,41 m á meistaramóti í Virginíu.
Styrmir Svavarsson
maraþon á 3:55:25 (PB) í Bologna.
Benjamin Arnarsson
hálfmaraþon á 1:59:00 (PB) í Róm.
Sigurbjörg Jóhannsdóttir
hálfmaraþon á 1:31:33 (PB) í Róm.
Heiðrún Björk Helgadóttir
hálfmaraþon á 1:32:06 (PB) í Róm.
Elín Ólafsdóttir
hálfmaraþon á 1:32:14 (PB) í Róm.
Erla Guðrún Ingimundardóttir
hálfmaraþon á 1:43:38 (PB) í Róm.
Næst á dagskrá
Innanhústímabilið er nú að fara að renna sitt skeið á enda og fram undan eru síðustu mótin áður en fókusinn fer smám saman að færast yfir á útitímabilið. Vorið er því handan við hornið og spennandi að fylgjast með hvernig frjálsíþróttafólkið okkar heldur áfram að byggja ofan á sterka byrjun ársins.
Sendið inn efni
Eigið þið myndir, úrslit eða fréttir sem eiga heima í vikuyfirlitinu? Sendið á kormakur@fri.is