Launasjóður íþróttafólks var kynntur í gær, 1. desember, við hátíðlega athöfn þar sem afreksíþróttafólk, sérsambönd og fulltrúar íþróttahreyfingarinnar komu saman til að fagna þessum merku tímamótum. Í fyrsta sinn í sögu íslenskra íþrótta mun afreksíþróttafólk fá greidd laun fyrir vinnu sína sem íþróttamenn.
Markmið sjóðsins er að gera afreksíþróttafólki kleift að setja íþróttina í forgang og einbeita sér að afrekstengdu starfi sínu með það að leiðarljósi að ná framúrskarandi árangri og komast í fremstu röð á alþjóðavettvangi. Alls hljóta 32 einstaklingar og 3 pör laun úr sjóðnum.
Frétt ÍSÍ um kynningu sjóðsins má lesa hér.
Frjálsíþróttafólk sem hlýtur laun úr launasjóði íþróttafólks
Það eru sex ú frjálsíþróttum sem hljóta laun úr launasjóðnum að þessu sinni og óskar Frjálsíþróttasamband Íslands eftirfarandi íþróttafólki innilega til hamingju með úthlutunina:
- Guðrún Karítas Hallgrímsdóttir – sleggjukast
- Daníel Ingi Egilsson – langstökk
- Sindri Hrafn Guðmundsson – spjótkast
- Erna Sóley Gunnarsdóttir – kúluvarp
- Guðni Valur Guðnason – kringlukast
- Hilmar Örn Jónsson – sleggjukast
Þetta skref er mjög mikilvægt í áframhaldandi fagvæðingu íslensks afreksíþróttastarfs og styrkir frjálsíþróttafólk, og annað íþróttafólk, í leið sinni að árangri á heimsmælikvarða.